Kosmik hava durumu - Günəş aktivliyi çox aşağı səviyyədədir. Günəş diski ləkəsizdir. Mövcud koronoqraf təsvirlərində Yerə doğru yönələn CME müşahidə olunmayıb.
2 MeV-dən çox enerjili elektron seli hesabat dövründə 10/20.15 UTC -də, özünün 1.710 pfu pik qiymətinə bərabər yüksək səviyyəsinə çatıb.10 MeV-dən çox enerjili proton seli də bütün period ərzində fon səviyyəsində qalıb.
DSCOVR peykinin ölçmələrinə əsasən Günəş küləyi parametrləri normal şəraitin olduğunu göstərir. Günəş küləyi sürəti 315-365 km/san arasında dəyişir. Hesabat dövrü ərzində, ümumi maqnit sahəsi 5 nT-dan aşağı və Phi bucağı dəyişkən olub. Geomaqnit sahə sakit olaraq qalır.
Kosmik hava proqnozu - Günəş aktivliyinin növbəti üç gün ərzində (11-13 iyun) çox aşağı səviyyədə davam etməsi gözlənilir.
2 MeV-dən çox enerjili electron selinin birinci proqnoz günündə (11 iyun) yüksələcəyi gözlənilsə də, növbəti iki gün (12-13 iyun) üçün yenidən orta səviyyələrə düşəcəyi ehtimal olunur. 10 MeV-dən çox enerjili proton selinin isə proqnoz dövründə fon səviyyələrində davam etməsi gözlənilir.
Proqnoz dövrünün birinci günü (11 iyun) Günəş küləyi parametrlərinin fon səviyyəsinə yaxın olacağı gözlənilir. Növbəti ikinci və üçüncü günlər isə (12-13 iyun) mənfi qütblülüyə malik tac dəliyindən zəif plazma genişlənmələrinin inkişaf edəcəyi ehtimal olunur.
Proqnoz dövrünün birinci günü ərzində (11 iyun) geomaqnit sahənin sakit olacağı gözlənilir. Növbəti iki gün isə (12-13 iyun) tac dəliyi genişlənməsinin zəif də olsa təsirindən müxtəlif vaxtlarda geomaqnit sahədə nizamsız şəkildə aktivlik müşahidə edilə bilər.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
