Kosmik hava durumu - Günəş aktivliyi aşağı səviyyədədir. 2712 bölgəsi (N14, L=179) tamamilə qərb limbinə (kənarına) döndüyündən C1 sinfindən olan alışma izoləedildiyindən aktivliyə təsiri yoxdur. Görünən Günəş diski ləkəsizdir. Mövcud peyk təsvirlərində Yerə doğru yönələn digər CME-lər müşahidə olunmayıb.
2 MeV-dən çox enerjili elektron seli hesabat dövründə 06/17.05 UTC-də, özünün 19.500 pfu pik qiymətinə bərabər yüksək səviyyəsinə çatıb. 10 MeV-dən çox enerjili proton seli də bütün period ərzində fon səviyyəsində qalmışdır.
Günəş küləyi parametrləri şəraitin yaxşılaşmasını göstərir. Gün ərzində Günəş küləyi sürəti 450 km /san-dən 430 km /san-yə qədər azalmışdır. Hesabat dövrü ərzində, ümumi maqnit sahəsinin maksimum qiyməti 10 nT-ya bərabər olub. Bz komponenti -8 nT-ya düşmüşdür, buna səbəb isə günün sonunda Günəş küləyinin daha çox həyəcanlanmasıdır., cənuba doğru kiçik kənaraçıxmalar olub. Phi bucağı dəyişkən olmuşdur.
Geomaqnit sahə sakit olaraq qalır, günün sonunda isə Günəş küləyinin həyəcanlanması hesabına nizamsız şəkildə aktivlik müşahidə edilmişdir.
Kosmik hava proqnozu - Günəş aktivliyinin növbəti üç gün ərzində (07-09 iyun) çox aşağı səviyyədə davam etməsi gözlənilir.
2 MeV-dən çox enerjili electron seli növbəti üç gün ərzində (07-09 İyun) çox yüksək səviyyəyə çatacaq, sonuncu proqnoz günü isə (09 İyun) normal səviyyəyə düşəcəyi gözlənilir. 10 MeV-dən çox enerjili proton selinin isə proqnoz dövründə fon səviyyələrində davam etməsi gözlənilir.
Proqnoz dövründə (07-09 İyun) Günəş küləyi parametrlərinin fon səviyyəsinə yaxın şəraitə malik olacağı gözlənilir.
Növbəti üç gün ərzində (07-09 İyun) geomaqnit sahənin əsasən sakit olacağı gözlənilsə də, Yer HCS-ə (Heliospheric Current Sheet – Heliosferik Cərəyan Təbəqəsi) bilavasitə yaxın olacağından proqnoz günlərində günəş küləyi parametrlərinin fon səviyyəsindən yüksəlməsi hesabına geomaqnit şəraitdə kiçik həyəcanlanmaların yaranacağı ehtimalı da istisna edilmir.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
