Kosmik hava durumu - Günəş aktivliyi çox aşağı səviyyədədir. 2712 bölgəsi (N14W91) tamamilə qərb limbindən (kənarından) dönmüş şəkildədir. Mövcud peyk təsvirlərində Yerə doğru yönələn digər CME-lər müşahidə olunmamışdır.

2 MeV-dən çox enerjili elektron seli hesabat dövründə 05/17.50 UTC -də, özünün 17.600 pfu pik qiymətinə bərabər yüksək səviyyəsinə çatmışdır.10 MeV-dən çox enerjili proton seli də bütün period ərzində fon səviyyəsində qalmışdır.

Günəş küləyi parametrləri, mənfi qütblülüyə malik CH HSS (Coronal Hole High Speed Streams- Tac Dəliyindən Yüksək Sürətli Axınlar) effektinin təsirindən sonra özünün fon səviyyəsinə çatmışdır. Gün ərzində Günəş küləyi sürəti 475 km / san-dən 450 km / san-yə qədər azalmışdır. Hesabat dövrü ərzində, ümumi maqnit sahəsinin maksimum qiyməti 9 nT-ya çatsa da, günün böyük əksəriyyət vaxtlarında 4-7 nT arasında dəyişmişdir. B_z komponenti dəyişkən olmuşdur, cənuba doğru kiçik kənaraçıxmalar oldu. Phi bucağı günün birinci yarısında əsasən mənfi istiqamətdə yönəlmişdir, qalan yarısında isə müsbət və mənfi sektor arasında dəyişiklik müşahidə edildi.

Geomaqnit sahə sakit olaraq qalır.

Kosmik hava proqnozu - Günəş aktivliyinin növbəti üç gün ərzində (06-08 iyun) çox aşağı səviyyədə davam etməsi gözlənilir.

2 MeV-dən çox enerjili electron seli növbəti üç gün ərzində (06-08 İyun) çox yüksək səviyyəyə çatacaq və 10 MeV-dən çox enerjili proton selinin isə proqnoz dövründə fon səviyyələrində davam etməsi gözlənilir.

Proqnoz dövründə (06-08 İyun) Günəş küləyi parametrlərinin fon səviyyəsində olması gözlənilir. Lakin HCS (Heliospheric current sheet – Heliosferik cərəyan təbəqəsi) təsirində kiçik dəyişikliklər hesabına proqnoz dövrünün ilk iki günü (06-07 İyun) küləyin sürətində azacıq güclənmə müşahidə edilə bilər.

Növbəti üç gün ərzində (06-08 İyun) geomaqnit sahənin əsasən sakit olacağı gözlənilsə də, Yer HCS-ə bilavasitə yaxın olacağından proqnoz günlərində günəş küləyi parametrlərinin fon səviyyəsindən yüksəlməsi hesabına geomaqnit şəraitdə kiçik həyəcanlanmaların yaranacağı ehtimalı da istisna edilmir.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.