2018-ci tədris ili üçün Mülki müdafiə tədbirlər planına əsasən AMEA N. Tusi adına Şamaxı Astrofizika Rəsədxanasında (ŞAR) "Fövqəladə hadisələr baş verdikdə fövqəladə hadisələrin nəticələrinin aradan qaldırılması prosesində mülki müdafiə orqan və qüvvələrinin idarə edilməsinin təşkili“ mövzusunda Rəhbər heyətin mülki müdafiə (MM) məşqi keçirilib.
Məşqin keçirilməsində məqsəd MM planının nə qədər real olduğunun yoxlanılması və dəqiqləşdirilməsi, MM hazırlığının vəziyyəti, Rəhbər heyətin, komandir-rəis heyətinin nəzəri bilik, əməli bacarıqlarının yoxlanılması və təkmilləşdirilməsi olub.
Məşq 25 may 2018-ci il, saat 10:00-da məşq rəhbərinin Rəhbər heyətə MM məşqi barədə göstərişi ilə başlayıb. Məşqdə ŞAR-ın direktoru, AMEA-nın müxbir üzvü Namiq Cəlilov, FHK üzvləri, şöbə müdirləri, MM qərargahı, komandir - rəis heyəti iştirak ediblər.
MM məşqini giriş sözü ilə ŞAR-ın direktoru, AMEA-nın müxbir üzvü Namiq Cəlilov açıb.
Sonra ŞAR-ın MM qərargahının rəisi Bahadır Abdullayev çıxış edib. Məşq zamanı qoyulmuş tapşırıqlar üzrə nəzəri biliklər yoxlanılıb. Məşq rəhbərinin 25 may 2018-ci il saat 12:00-da Rəhbər heyətə MM məşqinin başa çatması barədə göstərişindən sonra məşqin gedişi təhlil olunub.
Sonda məşq rəhbəri məşqin gedişindəki bəzi noqsanların və çatışmazlıqların aradan qaldırılması barədə müvafiq göstərişlər verib.
Məşq zamanı qarşıya qoyulmuş məqsədə əsasən nail olunub.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
