Kosmik hava durumu - Günəş aktivliyi çox aşağı səviyyədədir. 2712 bölgəsində (N14W77, Axx /alpha) olduqca qeyri-aktiv vəziyyətdədir. Demək olar ki, tamamilə qərb limbinə dönmüşdür.
Mövcud koronagraf təsvirlərində Yerə doğru yönələn digər CME-lər müşahidə olunmayıb. 2 MeV-dən çox enerjili elektron seli hesabat dövründə 04/1850 UTC -də, özünün 20.800 pfu pik qiymətinə bərabər yüksək səviyyəsinə çatmışdır. 10 MeV-dən çox enerjili proton seli də bütün period ərzində fon səviyyəsində qalıb.
Günəş küləyi parametrləri, mənfi qütblülüyə malik CH HSS (Coronal Hole High Speed Streams-Tac Dəliyindən Yüksək Sürətli Axınlar) effektinin zəiflədiyini göstərir. Günəş küləyi sürəti 635 km /san-dən periodun sonunda 580 km /san-yə qədər azalıb. Hesabat dövrü ərzində, Bz komponenti +/- 2 nT arasında dəyişdiyi halda, ümumi sahə 4 nT olmaqla dayanıqlı şəkildə olub. Phi bucağı əsasən mənfi istiqamətdə yönəlib.
Geomaqnit sahə CH HSS-in mənfi qütblülüyü geoeffektiv olmayan vəziyyət aldığından sakit olaraq qalır.
Kosmik hava proqnozu - Günəş aktivliyinin növbəti üç gün ərzində (05-07 iyun) çox aşağı səviyyədə davam etməsi gözlənilir.
2 MeV-dən çox enerjili electron seli növbəti üç gün ərzində (05-07 İyun) çox yüksək səviyyəyə çatacaq və 10 MeV-dən çox enerjili proton selinin isə proqnoz dövründə fon səviyyələrində davam etməsi gözlənilir.
Proqnoz dövrünün birinci günü (05 iyun) Günəş küləyi parametrlərinin CH HSS-in zəifləməsi də fonunda hazırki duruma uyğun şəkildə olacağı, ikinci və üçüncü günləri isə (06-07 İyun) CH HSS effektinin təsiri tam zəiflədiyindən əsasən nominal səviyyəyə qayıdacağı gözlənilir.
Geomaqnit sahə - CH-HSS effektinin təsiri yavaş-yavaş azaldığından, birinci gün (05 iyun) geomaqnit sahəsinin kiçik həyəcanlanmalar fonunda əsasən sakit olacağı gözlənilir. Digər iki gün isə (06-07 iyun), geomaqnit sahə sakit səviyyədə olacaq.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
