Kosmik hava durumu - Günəş aktivliyi çox aşağı səviyyədədir. 2712 bölgəsində (N14W63, Bxo / beta) azacıq zəifləmə müşahidə olunsa da B-sinfindən olan təsadüfi alışma aktivliyi davam etməkdədir. SDO / AIA 304 görüntüləri 03/00.19 UTC-dən etibarən cənub-qərb kənarından protuberans püskürməsi müşahidə edilib. LASCO C2 təsvirində elə diskin həmin kənarından 03/02.12 UTC-də yavaş hərəkət edən CME (Coronal Mass Ejections – Tac Kütlə Atılmaları) müşahidə edilib. Bu CME-nin yerinə və istiqamətinə görə demək olar ki, Yerə yönəlmiş bir komponenti gözlənilmir. Mövcud koronagraf təsvirlərində Yerə doğru yönələn digər CME-lər də müşahidə olunmayıb.
2 MeV-dən çox enerjili elektron seli hesabat dövründə 03/18.30 UTC-də, özünün 26.889 pfu pik qiymətinə bərabər yüksək səviyyəsinə çatmışdır. 10 MeV-dən çox enerjili proton seli də fon səviyyəsində qalıb.
Günəş küləyi parametrləri, mənfi qütblülüyə malik CH HSS-nin (Coronal Hole High Speed Streams- Tac Dəliyindən Yüksək Sürətli Axınlar) davamlı təsirini əks etdirir. Günəş küləyi sürəti təxminən 03/11.00 UTC-ə qədər ortalama 615 km / san olsa da, sonrakı mərhələdə 725 km / san-yə qədər artım müşahidə edildi.
Küləyin sürəti, hesabat dövrünün sonuna təxminən 630 km / san-yə qədər azaldı. Bu sürət artımı mənfi və müsbət istiqamətlənmə arasında phi bucağında müşahidə olunan dəyişkənliklə üst-üstə düşür. Hesabat dövrü ərzində, Bz komponenti +3 nT ila -4 nT arasında dəyişdiyi halda, ümumi sahə 1-6 nT arasında dəyişmişdir. Phi bucağı qeyd edildiyi kimi 03/11.00 UTC-ə qədər davamlı olaraq mənfi istiqamətdə qalmışdır.
Geomaqnit sahə, mənfi qütblü CH HSS təsiri altında kiçik həyəcanlanmalar istisna olmaqla ümumən sakit olaraq qalmışdır.
Kosmik hava proqnozu - Günəş aktivliyinin növbəti üç gün ərzində (04-06 iyun) çox aşağı səviyyədə davam etməsi gözlənilir. 2712 bölgəsi qərb limbinə yaxınlaşdığından, 04-05 İyun tarixlərində az ehtimalla C-sinfindən olan təcrid olunmuş alışma aktivliyi ola bilər.
2 MeV-dən çox enerjili electron seli növbəti üç gün ərzində (04-06 İyun) çox yüksək səviyyəyə çatacaq və 10 MeV-dən çox enerjili proton selinin isə proqnoz dövründə fon səviyyələrində davam etməsi gözlənilir.
Günəş küləyi parametrlərinin hazırki durumu uyğun şəkildə proqnoz dövründə də (04-05 İyun) davam edəcəyi gözlənilsə də mənfi qütblü Ch HSS-in zəifləməsi də istisna edilmir. Üçüncü gün (06 iyun) günəş küləyi mühitinin əsasən nominal səviyyədə olması gözlənilir.
CH-HSS effektinin təsiri yavaş-yavaş azaldığından, birinci və ikinci günlər (04-05 iyun) geomaqnit sahəsinin kiçik həyəcanlanmalar fonunda əsasən sakit olacağı gözlənilir. Üçüncü gün isə (06 iyun), geomaqnit sahə tam sakit səviyyədə olacaq.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
