
Azərbaycan Respublikası Elm və Təhsil Nazirliyi Nəsirəddin Tusi adına Şamaxı Astrofizika Rəsədxanasında (ŞAR) Həmkarlar Təşkilatının (HT) Ümumi yığıncağı keçirilib.
İclası ŞAR HT-nın sədri Aynurə Həsənova açaraq tədbir iştirakçılarını salamlayıb və gündəlikdəki məsələləri onların diqqətinə çatdırıb.
Gündəliyə uyğun olaraq Aynurə Həsənova "Kollektiv müqavilə"ni oxuyaraq əməkdaşları mətnlə tanış edib. Çıxışın ardınca mövzu ətrafında disskusiya aparılıb və suallar cavablandırılıb. Müzakirələrdən sonra "Kollektiv müqavilə" yekdilliklə qəbul edilib və əmək kollektivinin qarşısında imzalanaraq təsdiq olunub.
Sonra iclasın Sədri Aynurə Həsənova ŞAR-ın "Ulduz atmosferləri fizikası və maqnetizm" şöbəsinin müdiri, astronomiya elmləri doktoru, dosent, Canməmməd Rüstəmovun 75 illik yubileyinin olduğunu qeyd edərək, yubliyarı təbrik etmək və yubiley plaketini təqdim etmək üçün sözü ŞAR-ın baş direktoru, AMEA-nın müxbir üzrü N.S.Cəlilova verib. Namiq Cəlilov da öz növbəsində, əvvəlcə yubliyarı əmək kollektivi adından təbrik edərək, hədiyyəsini təqdim edib.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.