Mayın 30-da AMEA N.Tusi adına Şamaxı Astrofizika Rəsədxanasında (ŞAR) növbəti astroseminar keçirilib.
Rəsədxananın Bakı bölməsində baş tutan tədbiri ŞAR-ın direktoru, AMEA-nın müxbir üzvü Namiq Cəlilov açaraq astroseminar haqqında iştirakçıları məlumatlandırıb.
Sonra ŞAR-ın “Ulduz atmosferləri fizikası və maqnetizm“ şöbəsinin müdiri, f.-r.ü.f.d.,dos. Canməmməd Rüstəmov ”Böyük Partlayış və Kainatın dərk olunmayan sirrləri” adlı məruzə ilə çıxış edib.
O, tədbir iştirakçılarına Böyük Partlayış haqqında geniş məlumat verib. Böyük Partlayışın ayrı-ayrı epoxalarından danışan alim vurğulayıb ki, Böyük Partlayışın təcrübi əsasını üç müşahidə faktı (Kainatın genişlənməsi, kosmik mikrodalğalı fon, ilkin nukleosintez) təşkil edir…
Daha sonar çıxış edən Almaniyanın Ağır İonların Elmi Tədqiqatları Mərkəzinin baş elmi işçisi Dr. Anar Rüstəmov CERN-nin Böyük Adron Kollayderində fəaliyyət göstərən ALİCE təcrübəsində apardığı elmi-tədqiqat işləri barədə danışıb. Qeyd edib ki, dünyada ilk dəfə olaraq statistik fizika üsullarından istifadə etməklə nüvə toqquşmalarında yaranmış zərrəciklərin sayı Monte Karlo üsulu ilə generasiya olunmuş və alınan nəticələrin izahı verilmişdir.
Sonda tədbir iştirakçılarının sualları cavablandırılıb.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
