Kosmik hava durumu - Günəş aktivliyi çox aşağı səviyyədədir. 2712 bölgəsi (N16W09, Cro / beta) yenə də parçalanmaya məruz qalmışdır və qeyri-aktiv olaraq qalır. Şərq hissəsindən yavaş, dar bir CME, 30/03.12 UTC-də SOHO / LASCO-C2 təsvirində müşahidə olunmuşdur, lakin bu CME Yerə yönəlmiş vəziyyətdə deyildi. STEREO-A / EUV görüntülərinin təhlili, bir neçə gün ərzində ehtimal olunan mənbəyi şərq tərəfdən kənarda olmaqla aktiv bölgənin yaranacağını göstərir. Mövcud koronaqraf təsvirlərində Yerə doğru yönələn CME müşahidə olunmayıb.

2 MeV-dən çox enerjili elektron seli normal səviyyədə olub və 10 MeV-dən çox enerjili proton seli də fon səviyyəsində qalmışdır.

Günəş küləyi parametrləri, yavaş külək rejiminin mövcudluğunu göstərir. Günəş küləyi təxminən 330 km / san-dən 375 km / san-yə qədər dəyişir. Ümumi IMF (Planetlərarası maqnit sahəsi) gücü 3-6 nT-ya bərabər olmuşdur, B_z qiymətində çox kiçik kənaraçıxmalar müşahidə edilib. Phi bucağı əsasən müsbət olmuşdur, lakin bəzi vaxtlar qısamüddətli mənfi sektora keçmişdir.

Kosmik hava proqnozu - Günəş aktivliyinin növbəti iki gün (31 May-1 İyun) çox aşağı səviyyədə olacağı gözlənilir, Buna səbəb isə 2712 bölgəsinin alışma potensialının zəifləməsi və C-sinifindən olan alışmaların yaranma ehtimalının azalmasıdır. Lakin proqnoz dövrünün üçüncü günü (2 İyun) görünən Günəş diskinin şərq hissəsində aktiv oblastın yaranması səbəbindən C-sinfindən olan alışmanın əmələ gəlməsi az ehtimalla olsa da istisna edilmir.

2 MeV-dən çox enerjili elektron selinin ümumən normal səviyyədə olacağı gözlənilsə də proqnoz dövrünün ilk iki günü (31 May-1 iyun), xüsusən də üçüncü günü (2 İyun) CH HSS (Coronal Hole High Speed Streams – Tac Dəliyindən Yüksək Sürətli Axınlar) effektinin təsirindən normal səviyyədən orta səviyyəyə yüksələcəyi gözlənilir. 10 MeV-dən çox enerjili proton seli isə fon səviyyəsində qalacaq.

Yavaş Günəş küləyi rejimi birinci gün (31 may) və ikinci günün (1 İyun) əvvəllərində hakim olacağı gözlənilir. İkinci günün (1 İyun) ortalarında isə təkrarlanan izolə edilmiş edilmiş mənfi qütblülüyə malik CH HSS qarşısında yaxınlaşan CIR səbəbindən IMF-in (Planetlərarası maqnit sahəsinin) güclənəcəyi gözlənilir.CH HSS başlaması səbəbindən Günəş küləyi sürətinin üçüncü gün (2 İyun) artması gözlənilir.

Geomaqnit sahənin birinci gün (31 may) və ikinci günün birinci yarısında (1 İyun) sakit qalması gözlənilir. İkinci günün ortalarında isə CIR təsirlərinin yaxınlaşması səbəbi ilə, nizamsız və aktiv səviyyələrə geomagnit reaksiyalarının olacağı gözlənilir. CIR ikinci günü Yerə gec çatacağına görə, G1 (Minor) qasırğa səviyyələrinə cavab olaraq geomaqnit aktivlikdə ehtimal olunan artım gözlənilir. CH HSS effekti ilə bağlı olaraq gözlənilən güclü Günəş küləyi şəraitinə reaksiya olaraq üçüncü gün (2 İyun) G1 qasırğa səviyyəsinin davam edəcəyi gözlənilir.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.