Kosmik hava durumu – Hesabat dövrü ərzində Günəşin aktiv ləkə regionlarının fəallığı əvvəlki kimi qalmışdır. Maksimal sinifli alışma isə 4513 ləkə regionunda baş vermiş M6.98 sinifli alışma olmuşdur. Hal-hazırda  Günəşin səthində mürəkkəb maqnit quruluşlu ləkə regionu yoxdur. Alışmalara bağlı olaraq radio rabitədə R1-R2 səviyyəli fasilələr, II tip radioemissiya və 10 sm diapazonda radioalışma qeydə alınmışdır. Günəşin səthində ləkələrin sayı demək olar ki, dəyişməyib, 5 ləkə qrupunda 74  ləkə müşahidə olunur.

Hesabat dövrü ərzində enerjisi 2 MeV-dən çox olan elektron seli orta və yüksək səviyyədə olmuş, 1732 pfu-dək yüksəlmişdir. 10 MeV-dən çox enerji yüklü proton seli isə 4 pfu-dək yüksələrək 24-25 avqustda S1 səviyyəli proton qasırğası baş vermişdir.

Günəş küləyinin maksimal sürəti 495 km/san–dək artmışdır. Yer orbitində planetlərarası maqnit sahəsinin maksimal qiyməti 13 nT, radial istiqamətdə isə -13 nT olmuşdur. Hal-hazırda Günəş küləyinin sürəti 437 km/san, sıxlığı 3.97 p/sm³, planetlərarası maqnit sahəsinin maksimal qiyməti 5 nT, radial istiqamətdə isə -3 nT təşkil edir.

Hesabat dövründə 25-26 avqustda baş vermiş alışmaların təsiri ilə 28-29 avqustda G1-G2 geomaqnit qasırğası səviyyəli gözləniləsə də, sadəcə bir magnetometr qıas müddətli G1 səviyyəsini qeydə almışdır. Günəş küləyinin sıxlığının yüksəlməsi, proton qasırğası və geomaqnit sahəsinin əsasən aktiv səviyyədə olması (4 Kp) müşahidə olunmuşdur.  

Kosmik hava proqnozu – Proqnoz günlərində (31 avqust-06 sentyabr) C sinif alışmanın baş verməsi ehtimalı 75%, M (R1-R2) sinif alışmanın baş verməsi ehtimalı 15%, X (R3) sinif alışmanın baş verməsi ehtimalı isə 1% təşkil edir.

Enerjisi 2 MeV-dən çox olan elektron selinin  01-02 sentyabrda yenidən yüksələcəyi, 10 MeV-dən çox enerji yüklü proton selinin isə fon səviyyəsində qalacağı gözlənilir.

Günəş küləyi sürətinin təxminən 520 km/san-dək yüksələcəyi gözlənilir. 

Avroraların müşahidə olunması ehtimalı isə yüksək geomaqnit enliklərdə 15–35%, orta  geomaqnit enliklərdə isə 30-1%-dir.

Geomaqnit sahəsi - müsbət qütblü Tac Dəliyi Axınlarının təsiri ilə 31 avqustda aktiv olacaq, yəni ancaq 4 Kp-dək yüksələcək. Sonrakı günlər isə əsasən sakit kosmik hava şəraiti gözlənilir.

 © Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.