Kosmik hava durumu – Hesabat dövrü ərzində Günəşin fəallığı zəifləmişdir. Maksimal sinifli alışma 4506 ləkə regionunda baş vermiş C8.2 sinifli alışma olmuşdur. 4506 və 4507  ləkə regionları β-γ maqnit quruluşu göstərir. C sinifli alışmaya bağlı olaraq II tip radioemissiya qeydə alınmışdır. Günəşin səthində ləkələrin sayı artaraq 6 ləkə qrupunda 83  ləkə və Tac dəlikləri müşahidə olunur.

Hesabat dövrü ərzində enerjisi 2 MeV-dən çox olan elektron seli orta səviyyədə, 10 MeV-dən çox enerji yüklü proton seli isə fon səviyyəsində olmuşdur.

Günəş küləyinin maksimal sürəti 478 km/san–dək artmışdır. Yer orbitində planetlərarası maqnit sahəsinin maksimal qiyməti 10.2 nT, radial istiqamətdə isə -8.4 nT olmuşdur. Hal-hazırda Günəş küləyinin sürəti normaldır (300 km/san), sıxlığı 6.18 p/sm³, planetlərarası maqnit sahəsinin maksimal qiyməti 6 nT, radial istiqamətdə isə -4 nT təşkil edir.

Hesabat dövründə gözlənildiyi kimi TKA-ın təsiri ilə geomaqnit qasırğası gözləniləsə də, həftə ərzində geomaqnit sahəsinin intensivliyi sakit və qeyri-sabit səviyyələr arasında dəyişmişdir.

Kosmik hava proqnozu – Proqnoz günlərində (17—23 avqust) C sinif alışmanın baş verməsi ehtimalı 80%, M (R1-R2) sinif alışmanın baş verməsi ehtimalı 15%, X (R3) sinif alışmanın baş verməsi ehtimalı isə 1% təşkil edir.

Enerjisi 2 MeV-dən çox olan elektron selinin orta və yüksək səviyyədə və 10 MeV-dən çox enerji yüklü proton selinin fon səviyyəsində olacağı gözlənilir.

Günəş küləyi sürətinin 14 avqustda Günəşi tərk etmiş TKA-ın təsiri ilə 17 avqustdan 600 km/san-dək sürətləcəyi gözlənilir. 

Avroraların müşahidə olunması ehtimalı isə yüksək geomaqnit enliklərdə 20–20%, orta  geomaqnit enliklərdə isə 15-1%-dir.

Geomaqnit sahəsi – 14 avqustda Günəşi tərk etmiş TKA-nın təsiri ilə 17-18 avqustda G1 səviyyəli (zəif) geomaqnit qasırğası olması ehtimalı var. Sonra isə əsasən sakit kosmik hava şəraiti gözlənilir.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.