Kosmik hava durumu - Günəş aktivliyi çox aşağı səviyyədədir. Yeni bölgə 2710 (N16E64,Cro / beta) bu periodda disk kənarının (limbin) şimal-şərqinə döndü. Mövcud koronoqraf (coronagraph) görüntülərində Yerə doğru yönəlmiş CME-lər (Coronal Mass Ejections–Tac Kütlə Atılmaları) müşahidə edilməmişdir.

2 MeV-dən çox elektron seli 21/20.40 UTC-də müşahidə olunan 846 pfu pik selinə çatmaqla orta səviyyədə qalmışdır. 10 MeV-dən çox enerjili proton seli isə özünün fon səviyyəsində qalmışdır.

DSCOVR kosmik peyki vasitəsi ilə aparılan ölçmələrə əsasən onu demək olar ki, günəş küləyi parametrləri nominal səviyyədə olduğundan hazırda sakit günəş küləyi mühitinin davam edir. Period ərzində günəş küləyi sürəti üçün təxminən 325-350 km / san intervalında qiymət müşahidə edilir. B_z komponenti +/- 2 nT arasında dəyişdiyi halda ümumi maqnit sahəsinin 3-5 nT arasında dəyişir. Phi bucağı sabit şəkildə mənfi sektorda yönəlmişdir.

Kosmik hava proqnozu - Günəş aktivliyinin növbəti üç gündə (22-24 may) çox aşağı olması gözlənilir.

2 MeV-dən çox elektron selinin proqnoz dövrünün birinci günü (22 may). normal səviyyədən orta səviyyəyə qalxacağı gözlənilir. İkinci və üçüncü günlər isə (23-24 May), genişlənən günəş küləyində CH HSS effektinin (Coronal Hole High Speed Streams – Tac Dəlikdən çıxan Yüksək Sürətli Axınlar) təsiri ilə əlaqədar olaraq electron selinin orta səviyyədən yüksək səviyyəyə qədər güclənməsi gözlənilir. 10 MeV-dən çox proton selinin isə fon səviyyəsində davam etməsi gözlənilir.

Günəş küləyi parametrləri proqnoz dövrünün birinci gününün başlanğıcında (22 may) nominal səviyyədə olacaq. Mayın 22-də günorta saatlarında isə SSBC¹-nin (Solar SectorBoundary Crossing - Günəş enerjisi sektorunun sərhəd kəsişməsinin) zəif bir CIR² (Co-rotating Interaction Region - Birgə-dönən qarşılıqlı-təsir regionu) ilə birləşərək, şimal tacından müsbət qütblülüyü artıracağı gözlənilir. STEREO-A PLASTIC məlumatlarına əsasən, növbəti ikinci gün ərzində və üçüncü günün əvvəlində (23-24 may) küləyin sürəti təxminən 500 km / san-qədər artacaq.

Proqnoz dövrünün birinci günü günortaya qədər (22 may) geomaqnit sahənin sakit səviyyədə olması gözlənilir. Mayın 22-də günün ikinci yarısında və proqnoz dövrünün ikinci günü (23 may) ərzində isə, müsbət qütblü CH HSS-in təsiri səbəbindən bəzi aktiv intervallar istisna olmaqla əsasən sakit, lakin nizamsız olacağı gözlənilir. Üçüncü günün sonuna kimi (24 may), ikinci gün müşahidə edilməsi gözlənilən nizamsız şəraitdən sakit şəraitə keçmə prosesi başlayacaq.

¹ SSBC - Günəş enerjisi sektorunun sərhəd kəsişməsi - planetararası maqnit sahəsinin (PMS) (interplanetary magnetic field (IMF) qütblülüyü dəyişən zaman yaranır. PMS -nin istiqaməti elə ola bilər ki, Yerin maqnit sahəsini müvəqqəti olaraq yox edər və nəticədə günəş enerjisinin yuxarı atmosferə nüfuz etməsinə şərait yaradar, bununla isə F və E təbəqələrində güclü həyəcanlanmalar meydana çıxar. Bu da öz növbəsində HF (high frequency-yüksək tezlikli) dalğaların nüfuz etməsi ilə nəticələnə bilər.

² CIR (Co-rotating Interaction Region - Birgə-dönən qarşılıqlı-təsir region)  o zaman yaranır ki, yüksəksürətli günəş küləyi aşağı sürətli günəş küləyinin yanından keçsin. Bu qarşılıqlı təsir regionları yüksək sıxlığa və güclü maqnit sahəsinə malik günəş küləyindən ibarət olur.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.