Kosmik hava durumu - Günəş aktivliyi ləkəsiz günəş diskində çox aşağıdır. Görünən disk ləkəsizdir və Yerə doğru yönələn CME müşahidə olunmur. 2 MeV-dən çox enerjisi olan elektron seli normal səviyyədədir. 10 MeV-dən çox proton seli isə fon qiymətlərində qaldı.

Günəş küləyinin sürəti 360-430 km / san arasında dəyişir, digər parametrləri də normal səviyyədədir. B_z komponenti +/- 4 nT arasında, ümumi sahə 4-5 nT intervalında dəyişir. Phi bucağı hesabat dövründə əsasən mənfi sektora yönəlmişdir. Geomaqnit sahə sakit olaraq qalır.

Kosmik hava proqnozu - Günəş aktivliyinin üç gündə (21-23 may) çox aşağı olması gözlənilir. 2 MeV-dən yuxarı enerjiyə malik elektron selinin növbəti üç gün (21-23 may) üçün normal və orta səviyyədə olması gözlənilir.

Proqnoz dövründə 10 MeV-dən çox proton selinin fon səviyyəsində davam etməsi gözlənilir. Günəş küləyi parametrlərinin birinci və ikinci gün (21-22 may) nominal səviyyədə olması gözlənilir. Proqnoz dövrünün üçüncü günü isə (23 may) günəş küləyi parametrləri müsbət qütblülüyə malik olmaqla qütblərə bağlı olaraq artacaq, CH HSS (Coronal Hole High Speed Streams – Tac Dəlikdən çıxan Yüksək Sürətli Axınlar) geoeffektiv  mövqeyə keçəcək. Geomaqnit sahənin birinci və ikinci gün (21-22 may) çox sakit olacağı gözlənilir.

Üçüncü gün isə (23 may) geomaqnit sahənin müsbət qütblü, qütb mənşəli CH HSS səbəbindən aktiv səviyyədə olacağı gözlənilir.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.