Kosmik hava durumu – Hesabat dövrü ərzində Günəş fəallığı zəif olmuş və C sinif alışmalar qeydə alınmışdır. Hesabat dövründə maksimal sinifli 4475 ləkə regionununda baş vermiş C9.5 sinifli alışma olmuşdur. Alışmalara bağlı olaraq Yerə yönəlmış komponentə malik Tac Kütlə Atılmaları (TKA) müşahidə olunmuşdur. Günəşin səthində ləkələrin sayı artaraq 6 ləkə qrupunda 112 ləkə və cənub qütbü yaxınlığında Tac dəliyi müşahidə olunur.
Hesabat dövrü ərzində enerjisi 2 MeV-dən çox olan elektron seli orta və yüksək səviyyədə olmuş, 3792 pfu-dək yüksəlmişdir. 10 MeV-dən çox enerji yüklü proton seli isə fon səviyyəsində qalmışdır.
Günəş küləyinin maksimal sürəti 729 km/san–dək artmışdır. Yer orbitində planetlərarası maqnit sahəsinin maksimal qiyməti 16 nT, radial istiqamətdə isə -12 nT olmuşdur. Hal-hazırda Günəş küləyinin sürəti 419.2 km/san-dir, sıxlığı 3.38 p/sm3, planetlərarası maqnit sahəsinin maksimal qiyməti Yer orbitində 3.34 nT, radial istiqamətdə isə 0.75 nT təşkil edir.
Hesabat dövründə geomqnit sahəsinin fəallığı mənfi qütblü Tac Dəliyi Axınlarının təsiri ilə 25 iyunda G1 səviyyəsinədək yüksəlmişdir.
Kosmik hava proqnozu – Proqnoz günlərində (29 iyun- 05 iyul) C sinif alışmanın baş verməsi ehtimalı 99%, M (R1-R2) sinif alışmanın baş verməsi ehtimalı 50%, X (R3) sinif alışmanın baş verməsi ehtimalı isə 10% təşkil edir.
Enerjisi 2 MeV-dən çox olan elektron selinin yüksək səviyyələrdə, 10 MeV-dən çox enerji yüklü proton selinin isə fon səviyyəsində olacağı gözlənilir.
Günəş küləyi sürətinin 22 və 26 iyunda Günəşi tərk etmiş TKA-ın təsiri ilə normadan yüksək olacağı gözlənilir.
Avroraların müşahidə olunması ehtimalı isə yüksək geomaqnit enliklərdə 10–55%, orta geomaqnit enliklərdə isə 30-5%-dir.
Geomaqnit sahəsi – Günəşi 26 iyunda tərk etmiş TKA-ın təsiri ilə 29-30 iyunda zəif (G1) geomaqnit qasırğası olması ehtimalı var. Bu təsirə bağlı olaraq 01 iyulda da geomaqnit sahəsi aktiv və qeyri-sabit səviyyələr arasında dəyişə bilər.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
