Kosmik hava durumu – Hesabat dövrü ərzində Günəşin fəallığı zəifləmişdir və əsasən B-C sinif alışmalar qeydə alınmışdır. Hesabat dövründə maksimal sinifli 21 iyun 4473 ləkə regionununda baş vermiş M6.8 sinifli alışma olmuşdur. Alışmalara bağlı olaraq II tip radioemissiya, radiosiqnalların ötürülməsində R2 səviyyəli fasilə, həmçinin Tac Kütlə Atılmaları (TKA) müşahidə olunmuşdur. Günəşin səthində ləkələrin sayı azalaraq 3 ləkə qrupunda 53  ləkə və  Tac dəlikləri müşahidə olunur. 

Hesabat dövrü ərzində enerjisi 2 MeV-dən çox olan elektron seli orta və yüksək səviyyədə olmuş, 2043 pfu-dək yüksəlmişdir. 10 MeV-dən çox enerji yüklü proton seli isə fon səviyyəsində qalmışdır. 

Günəş küləyinin maksimal sürəti 509 km/san–dək artmışdır. Yer orbitində planetlərarası maqnit sahəsinin maksimal qiyməti 12 nT, radial istiqamətdə isə -7 nT olmuşdur. Hal-hazırda Günəş küləyinin sürəti normaldır (342 km/san), sıxlığı 4.46 p/sm3, planetlərarası maqnit sahəsinin maksimal qiyməti 1.33 nT, radial istiqamətdə isə 0.38 nT təşkil edir. 

Hesabat dövründə baş vermiş alışmalara bağlı TKA-ın təsiri ilə 5-6 iyunda G1-G2 səviyyəli geomaqnit qasırğası baş vermişdir.

Kosmik hava proqnozu – Proqnoz günlərində (21-28 iyun) C sinif alışmanın baş verməsi ehtimalı 95%, M (R1-R2) sinif alışmanın baş verməsi ehtimalı 40%, X (R3) sinif alışmanın baş verməsi ehtimalı isə 5% təşkil edir. 

Enerjisi 2 MeV-dən çox olan elektron selinin orta və yüksək səviyyədə, 10 MeV-dən çox enerji yüklü proton selinin isə fon səviyyəsində olacağı gözlənilir.  

Günəş küləyi sürətinin mənfi qütblü Tac Dəliyi Axınlarının təsiri ilə yenə də normadan yüksək olacağı gözlənilir.  

Avroraların müşahidə olunması ehtimalı isə yüksək geomaqnit enliklərdə 15–10%, orta  geomaqnit enliklərdə isə 10-1%-dir. 

Geomaqnit sahəsinin mənfi qütblü Tac Dəliyi Axınlarının təsiri ilə sakit-aktiv səviyyələr arasında dəyişəcəyi gözlənilir. 

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.