Kosmik hava durumu – Hesabat dövrü ərzində Günəşin fəallığı azalıb və C sinif alışmalar baş vermişdir. Maksimal sinifli alışma 4465 ləkə regionunda C9.0 sinifli alışma olmuşdur. Alışmalara bağlı olaraq II tip radioemissiya, həmçinin Tac Kütlə Atılmaları (TKA) isə müşahidə olunmuşdur. Günəşin səthində ləkələrin sayı azalaraq 4 ləkə qrupunda 61 ləkə müşahidə olunur.
Hesabat dövrü ərzində enerjisi 2 MeV-dən çox olan elektron seli orta və yüksək səviyyədə olmuş, 4259 pfu-dək yüksəlmişdir. 10 MeV-dən çox enerji yüklü proton seli isə fon səviyyəsində qalmışdır.
Günəş küləyinin maksimal sürəti 607 km/san–dək artmışdır. Yer orbitində planetlərarası maqnit sahəsinin maksimal qiyməti 15 nT, radial istiqamətdə isə -10 nT olmuşdur. Hal-hazırda Günəş küləyinin sürəti 438 km/san, planetlərarası maqnit sahəsinin maksimal qiyməti 5 nT, radial istiqamətdə isə -0.8 nT təşkil edir.
Hesabat dövründə G3 səviyyəli (güclü) geomaqnit qasırğası proqnozlaşdırılmasına baxmayaraq, TKA Yerdən yan keçmişdir. Həftə ərzində geomaqnit sahəsinin intensivliyi sakit-aktiv periodlar arasında dəyişmiş, ancaq 11 iyunda G1 səviyyəsinədək yülksəlmə qeydə alınmışdır.
Kosmik hava proqnozu – Proqnoz günlərində (15-21 iyun) C sinif alışmanın baş verməsi ehtimalı 80%, M (R1-R2) sinif alışmanın baş verməsi ehtimalı 15%, X (R3) sinif alışmanın baş verməsi ehtimalı isə 1% təşkil edir.
Enerjisi 2 MeV-dən çox olan elektron selinin orta və yüksək səviyyədə olacağı, 10 MeV-dən çox enerji yüklü proton selinin isə fon səviyyəsində qalacağı gözlənilir.
Günəş küləyinin sürəti mənfi qütblü Tac Dəliyi Axınlarının təsiri hələki davam edir və 12 iyunda Günəşi tərk etmiş TKA-nın gəlməsi ilə 16-17 iyunda yenidən yüksələcəyi gözlənilir.
Avroraların müşahidə olunması ehtimalı isə yüksək geomaqnit enliklərdə 20–20%, orta geomaqnit enliklərdə isə 15-1%-dir.
Geomaqnit sahəsi – mənfi qütblü Tac Dəliyi Axınlarının təsiri zəifləyəcək, sonra isə 12 iyunda Günəşi tərk etmiş TKA-nın təsiri ilə sakit-aktiv səviyyələrdə olacağı gözlənilir.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
