Kosmik hava durumu – Hesabat dövrü ərzində Günəş fəallığı nisbətən zəifləmişdir. Əsasən C sinifli alışmalar qeyd olunsa da, maksimal sinifli alışma 4445 ləkə regionunda M1.9 sinifli alışma olmuşdur. Alışmalara bağlı olaraq II-IV tip radioemissiya Tac Kütlə Atılmaları (TKA) və 10 sm diapazonda radioalışma qeydə alınmışdır. Günəşin səthində ləkələrin sayı azalaraq 7 ləkə qrupunda 86 ləkə və Tac Dəlikləri müşahidə olunur.

Hesabat dövrü ərzində enerjisi 2 MeV-dən çox olan elektron seli orta və yüksək səviyyədə, 10 MeV-dən çox enerji yüklü proton seli isə fon səviyyəsində olmuşdur.

Günəş küləyinin maksimal sürəti 823 km/san–dək artmışdır. Yer orbitində planetlərarası maqnit sahəsinin maksimal qiyməti 16 nT, radial istiqamətdə isə -13 nT olmuşdur. Hal-hazırda Günəş küləyinin sürəti 557 km/san, sıxlığı 2.5 p/sm³, planetlərarası maqnit sahəsinin maksimal qiyməti Yer orbitində 4.5 nT, radial istiqamətdə isə 2.5 nT təşkil edir.

Hesabat dövründə Tac Dəliyi Axınlarının təsiri ilə 15-16 mayda G1-G2 səviyyəli geomaqnit qasırğası olmuşdur.  

Kosmik hava proqnozu – Proqnoz günlərində (18-24 may) C sinif alışmanın baş verməsi ehtimalı 90%, M (R1-R2) sinif alışmanın baş verməsi ehtimalı 40%, X (R3) sinif alışmanın baş verməsi ehtimalı isə 5% təşkil edir.

Enerjisi 2 MeV-dən çox olan elektron selinin 19-20 mayda TKA-ın təsiri ilə orta və yüksək səviyyələrdə olacağı, 10 MeV-dən çox enerji yüklü proton selinin isə  fon səviyyəsində qalacağı gözlənilir

Günəş küləyinin  sürəti mənfi qütblü Tac dəliyi Axınlarının və 16 mayda Günəşi tərk etmiş TKA-nın təsirilə yenə də normadan yüksək olacaq.  

Avroraların müşahidə olunması ehtimalı isə yüksək geomaqnit enliklərdə 5-60%, orta  geomaqnit enliklərdə isə 40-5%-dir.

Geomaqnit sahəsinin fəallığının 16 mayda M1.9 sinifli alışmaya bağlı olan TKA-nın Yerə çatması nəticəsində 18-19 mayda əsasən (zəif-orta) G1-G2 səviyyəli geomaqnit qasırğası gözlənilir. 20 mayda isə mənfi qütblü Tac Dəliyi Axınlarını təsiri də əlavə olunacağı üçün qasırğanın davam etməsi ehtimalı var. Daha sonra isə geomaqnit sahəsinin intensivliyinin  sakit-aktiv səviyyələr rasında dəyişəcəyi gözlənilir.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.