Kosmik hava durumu – Hesabat dövrü ərzində Günəşin fəallığı zəifləmiş və əsasən B sinif alışmalar qeydə alınmışdır. Maksimal sinifli alışma 4409 ləkə regionunda M1.0 sinifli alışma olmuşdur. Alışmalara bağlı olaraq Tac Kütlə Atılmaları (TKA) qeydə alınmışdır.  Günəşin səthində ləkələrin sayı azalaraq 4 ləkə qrupunda 42 ləkə və Tac Dəlikləri müşahidə olunur.

Hesabat dövrü ərzində enerjisi 2 MeV-dən çox olan elektron seli orta və yüksək səviyyələrdə olmuş, 10680 pfu-dək artmışdır. 10 MeV-dən çox enerji yüklü proton seli isə fon səviyyəsində olmuşdur.

Günəş küləyinin maksimal sürəti 701 km/san–dək artmışdır. Yer orbitində planetlərarası maqnit sahəsinin maksimal qiyməti 14 nT, radial istiqamətdə isə -9 nT olmuşdur. Hal-hazırda Günəş küləyinin sürəti 431 km/san, sıxlığı 1.81 p/sm³, planetlərarası maqnit sahəsinin maksimal qiyməti 5.15 T, radial istiqamətdə isə -0.77 nT təşkil edir.

Hesabat dövründə Tac Dəliyi Axınlarının təsiri ilə geomaqnit sahəsi sakit-aktiv səviyyələr arasında dəyişmişdir.

Kosmik hava proqnozu – Proqnoz günlərində (13-19 aprel) C sinif alışmanın baş verməsi ehtimalı 75%, M (R1-R2) sinif alışmanın baş verməsi ehtimalı 10%, X (R3) sinif alışmanın baş verməsi ehtimalı isə 1% təşkil edir.

Enerjisi 2 MeV-dən çox olan elektron selinin 13-15 apreldə yüksək səviyyələrdə olacağı, 10 MeV-dən çox enerji yüklü proton selinin isə fon səviyyəsində qalacağı gözlənilir.

Günəş küləyinin sürəti müsbət qütblü Tac Dəliyi Axınlarının (TDA) təsirilə  yenə də normadan yüksək olacaq.

Avroraların müşahidə olunması ehtimalı isə yüksək geomaqnit enliklərdə 15-25%, orta  geomaqnit enliklərdə isə 15-1%-dir.

Geomaqnit sahəsinin sürəti müsbət qütblü Tac Dəliyi Axınlarının (TDA) təsirilə sakit-aktiv səviyyələrdə olacağı gözlənilir.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.