Kosmik hava durumu – Hesabat dövrü ərzində Günəşin fəallığı demək olar ki, eyni səviyyədə qalmışdır. Maksimal sinifli alışma 4392 ləkə regionunda M2.97 sinifli alışma olmuşdur. Alışmaya bağlı Yerə yönəlmiş komponentə malik Tac Kütlə Atılmaları (TKA), radio rabitədə II tip radioemissiya və 10 sm diapazonda radioalışma qeydə alınmışdır. qeydə alınmışdır. Günəşin səthində ləkələrin sayı azalaraq 4 ləkə qrupunda 66 ləkə və Tac Dəliyi müşahidə olunur.
Hesabat dövrü ərzində enerjisi 2 MeV-dən çox olan elektron seli orta və yüksək səviyyələrdə olmuş, 2940 pfu-dək artmışdır. 10 MeV-dən çox enerji yüklü proton seli isə fon səviyyəsində qalmışdır.
Günəş küləyinin maksimal sürəti 731 km/san–dək artmışdır. Yer orbitində planetlərarası maqnit sahəsinin maksimal qiyməti 13 nT, radial istiqamətdə isə -10 nT olmuşdur. Hal-hazırda Günəş küləyinin sürəti 467 km/san, sıxlığı 0.39 p/sm3, planetlərarası maqnit sahəsinin maksimal qiyməti 4.9 nT, radial istiqamətdə isə 0.3 nT təşkil edir.
Hesabat dövründə geomaqnit sahəsinin intensivliyi 13-14 martda G1-G2 səviyyəsinə yüksəlmişdir, yəni Tac Dəliyi Axınlarının təsiri ilə zəif-orta güclü geomaqnit qasırğası qeydə alınmışdır.
Kosmik hava proqnozu – Proqnoz günlərində (17-23 mart) C sinif alışmanın baş verməsi ehtimalı 85%, M (R1-R2) sinif alışmanın baş verməsi ehtimalı 30%, X (R3) sinif alışmanın baş verməsi ehtimalı isə 5% təşkil edir.
Enerjisi 2 MeV-dən çox olan elektron selinin yenə də yüksək səviyyələrdə olacağı, 10 MeV-dən çox enerji yüklü proton selinin də gözlənilən TKA ilə bağlı S1 səviyyəsinə yüksəlməsi ehtimalı var.
Günəş küləyinin sürətinin TKA-nın təsiri ilə yüksələcəyi gözlənilir.
Avroraların müşahidə olunması ehtimalı isə yüksək geomaqnit enliklərdə 15-30%, orta geomaqnit enliklərdə isə 25-1%-dir.
Geomaqnit sahəsinin bu gün və sabah müsbət qütlü Tac Dəliyi axınlarının zəifləyən təsiri altında ara-sıra qeyri-stabil səviyyədə olacağı, 19 martda isə TKA-nın Yerə çatması ilə G2-G3 (orta-güclü) səviyyəli geomaqnit qasırğası gözlənilir.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
