Kosmik hava durumu – Hesabat dövrü ərzində Günəşin fəallığı zəifləmişdir.  Maksimal sinifli alışma 4379 ləkə regionunda M2.3 sinifli alışma olmuşdur. Alışmalara bağlı olaraq II tip radio emissiya, həmçinin Tac Kütlə Atılmaları (TKA) qeydə alınmışdır. Günəşin səthində ləkələrin sayı artaraq 7 ləkə qrupunda 85 ləkə və Tac Dəliyi  müşahidə olunur.

Hesabat dövrü ərzində enerjisi 2 MeV-dən çox olan elektron seli yüksək səviyyələrdə olmuş və 13798 pfu-dək artmışdır. 10 MeV-dən çox enerji yüklü proton seli isə fon səviyyəsində qalmışdır.

Günəş küləyinin maksimal sürəti 768 km/san–dək artmışdır. Yer orbitində planetlərarası maqnit sahəsinin maksimal qiyməti 7 nT, radial istiqamətdə isə -6 nT olmuşdur. Hal-hazırda Günəş küləyinin sürəti normaldır (338 km/san), planetlərarası maqnit sahəsinin maksimal qiyməti 5 nT, radial istiqamətdə isə -1 nT təşkil edir.

Hesabat dövründə geomaqnit sahəsinin intensivliyi 22-24 fevralda fasilələrlə G1 səviyyəsinə yüksəlmiş, sakit-aktiv səviyyələrdə olmuşdur. Hal-hazırda Kp indeksinin göstəricisi 1-dir və kosmik hava sakitdir.  

Kosmik hava proqnozu – Proqnoz günlərində (19-25 yanvar) C sinif alışmanın baş verməsi ehtimalı 95%, M (R1-R2) sinif alışmanın baş verməsi ehtimalı 25%, X (R3) sinif alışmanın baş verməsi ehtimalı isə 5% təşkil edir.

Enerjisi 2 MeV-dən çox olan elektron selinin 02-03 martda yenidən yüksələcəyi, 10 MeV-dən çox enerji yüklü proton selinin isə fon səviyyəsində qalacağıgözlənilir.

Günəş küləyinin sürətinin müsbət qütblü Tac Dəliyi Axınlarının təsiri ilə yüksəkləcəyi gözlənilir.

Avroraların müşahidə olunması ehtimalı isə yüksək geomaqnit enliklərdə 15-20%, orta  geomaqnit enliklərdə isə 15-1%-dir.

Geomaqnit sahəsi –  müsbət qütblü Tac Dəliyi Axınlarının təsiri ilə 02-03 martda geomaqnit sahəsi aktiv olacaq. Sonra isə yenə sakit-aktiv səviyyələr arasında dəyişəcəyi gözlənilir. 

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.