Şamaxı Astrofizika Rəsədxanasında magistr pilləsi üzrə təhsil alan Elista Bayramova və Arzu Orucova dərs prosesində rəsədxananın 2 m-lik teleskopunda olublar.

Rəsədxananın elmi işlər üzrə direktor müavini, f.ü.f.d Xıdır Mikayılov əvvəlcə magistrlara 2 m-lik teleskop haqqında məlumat verib. O, bildirib ki, 2 m-lik teleskop Almaniyanın "Karl Seyss Jena" (Almaniya) şirkətinin istehsalıdır, 1966-cı ildə quraşdırılıb. Teleskop 3 müxtəlif optik sistemi özündə birləşdirir və əsasən spektral müşahidələr üçün nəzərdə tutulub...

Sonra magistrlar rəsədxananın 2 m-lik teleskopunda müşahidələrdə iştirak ediblər. Dərs maraqla dinlənilib, diskusiya şəklində qurulub. 

Qeyd edək ki, 2017-ci ildə ilk dəfə olaraq AMEA N.Tusi adına Şamaxı Astrofizika Rəsədxanasında  2017/2018-ci tədris ili üçün magistraturaya "Astrofizika" ixtisası üzrə qəbul keçirilib.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.