Kosmik hava durumu – Hesabat dövrü ərzində Günəşin fəallığı artmışdır. Maksimal sinifli alışma 4324 oblastındakı M7.11 sinifli alışma olmuşdur. Alışmalara bağlı olaraq radio rabitədə R1-R2 səviyyəli fasilələr, II-IV tip radio emissiya və 10 sm dalğa uzunluğunda radioalışma qeydə alınmışdır. Həftə ərzində birbaşa Yerə yönəlmiş komponentə malik Tac Kütlə Atılmaları (TKA) qeydə alınıb. Günəşin səthində ləkələrin sayı artaraq 8 ləkə qrupunda 138 ləkə və Tac Dəliyi müşahidə olunur.
Hesabat dövrü ərzində enerjisi 2 MeV-dən çox olan elektron seli 6690 pfu-dək yüksəlmişdir. 10 MeV-dən çox enerji yüklü proton seli isə fon səviyyəsində qalmışdır.
Günəş küləyinin maksimal sürəti 884 km/san–dək artmışdır. Yer orbitində planetlərarası maqnit sahəsinin maksimal qiyməti 12 nT, radial istiqamətdə isə -8 nT olmuşdur. Hal-hazırda Günəş küləyinin sürəti 450 km/san, planetlərarası maqnit sahəsinin maksimal qiyməti Yer orbitində 9.29 nT, radial istiqamətdə isə -9.2 nT təşkil edir.
Hesabat dövründə geomaqnit sahəsinin intensivliyi 31 dekabr - 01 yanvar tarixlərində qeydə alınmış TKA-nın təsiri ilə G1-G2 səviyyəsinə yüksəlmiş, 01-03 yanvarda zəif-orta səviyyəli geomaqnit qasırğası baş vermişdir. Hal-hazırda Kp indeksinin göstəricisi 3.4-dür və kosmik hava qeyri-sabitdir.
Kosmik hava proqnozu – Proqnoz günlərində (05-11 yanvar) C sinif alışmanın baş verməsi ehtimalı 99%, M (R1-R2) sinif alışmanın baş verməsi ehtimalı 50%, X (R3) sinif alışmanın baş verməsi ehtimalı isə 10% təşkil edir.
Enerjisi 2 MeV-dən çox olan elektron selinin gözlənilən TKA-nın təsiri ilə yüksələcəyi gözlənilir. 10 MeV-dən çox enerji yüklü proton seli üçün də 07 yanvarda S1 səviyyəli proton qasırğası ehtimalı var.
Günəş küləyinin sürətinin 07 yanvaradək nominal qiymətə geri dönəcəyi, sonra isə yenidən yüksələcəyi gözlənilir.
Avroraların müşahidə olunması ehtimalı isə yüksək geomaqnit enliklərdə 15-30%, orta geomaqnit enliklərdə isə 25-1%-dir.
Geomaqnit sahəsi – 31 dekabr və 01 yanvarda qeyd olunan TKA-ın təsiri ilə bu gün də G1-G2 səviyyəli geomaqnit qasırğası olması ehtimalı var. Sonra isə geomaqnit sahəsinin intensivliyinin sakit və qeyri-sabit səviyyələr arasında dəyişəcəyi gözlənilir.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
