Kosmik hava durumu – Hesabat dövrü ərzində Günəşin fəallığı artmışdır. Maksimal sinifili alışma 4325 oblastındakı M5.1 sinifli alışma olmuşdur. Alışmalara bağlı olaraq radio rabitədə R2 səviyyəli fasilələr, II tip radio emissiya və 10 sm dalğa uzunluğunda radio alışma qeydə alınmışdır. Günəşin səthində ləkələrin sayı artaraq 10 ləkə qrupunda 130 ləkə müşahidə olunur.
Hesabat dövrü ərzində enerjisi 2 MeV-dən çox olan elektron 8999 pfu-dək yksəlmişdir. 10 MeV-dən çox enerji yüklü proton seli isə fon səviyyəsində qalmışdır.
Günəş küləyinin maksimal sürəti 907 km/san–dək artmışdır. Yer orbitində planetlərarası maqnit sahəsinin maksimal qiyməti 10 nT, radial istiqamətdə isə -7 nT olmuşdur. Hal-hazırda Günəş küləyinin sürəti 434 km/san, planetlərarası maqnit sahəsinin maksimal qiyməti 6.63 nT, radial istiqamətdə isə 3.46 nT təşkil edir. Hesabat dövründə geomaqnit sahəsinin intensivliyi Tac Dəliyi Axınlarının təsiri ilə 22 dekabrda G1 səviyyəsinə yüksəlmiş, sonra isə sakit və qeyri-sabit səviyyələrdə olmuşdur. Hal-hazırda Kp indeksinin göstəricisi 3-dür və kosmik qeyri-sabitdir.
Kosmik hava proqnozu – Proqnoz günlərində (29 dekabr-04 yanvar) C sinif alışmanın baş verməsi ehtimalı 99%, M (R1-R2) sinif alışmanın baş verməsi ehtimalı 45%, X (R3) sinif alışmanın baş verməsi ehtimalı isə 10% təşkil edir.
Enerjisi 2 MeV-dən çox olan elektron selinin Tac Dəliyi axınlarının təsiri ilə 29-31 dekabrdayüksələcəyi gözlənilir. 10 MeV-dən çox enerji yüklü proton selinin də S1-S2 səviyyəsinə yüksəlməsi ehtimalı var.
Günəş küləyinin sürəti rekurrent mənfi qütblü Tac Dəliyi Axınlarının təsiri ilə normadan yüksək olacaqdır.
Avroraların müşahidə olunması ehtimalı isə yüksək geomaqnit enliklərdə 15-10%, orta geomaqnit enliklərdə isə 10-1%-dir.
Geomaqnit sahəsi – əsasən rekurrent mənfi qütblü Tac Dəliyi Axınlarının təsiri ilə 30-31 dekabrda əsasən qeyri-sabit kosmik hava şəraiti gözlənilir, aktivliyin qısa periodlarla G1-G2 səviyyəsinə yüksələcəyi istisna edilmir.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
