Kosmik hava durumu – Hesabat dövrü ərzində Günəşin fəallığı əvvəlki tempdə davam etmişdir. Həftə ərzində əsasən M və C sinif alışmalar qeydə alınmışdır.  Maksimal sinifli alışma isə 4294 oblastındakı M4.4 sinifli alışma olmuşdur.  Alışmalar nəticəsində radio rabitədə R1-R2 səviyyəli fasilələr, II-IV tip radio emissiya və 10 sm dalğa uzunluğunda radioalışma və Yerə yönəlmiş komponentə malik Tac Kütlə Atılmaları (TKA) qeydə alınmışdır. Günəşin səthində ləkələrin sayı azalaraq 5 ləkə qrupunda 78 ləkə müşahidə olunur.

Enerjisi 2 MeV-dən çox olan elektron seli hesabat dövrü ərzində 2183 pfu-dək yüksəlmişdir. 10 MeV-dən çox enerji yüklü proton  seli isə fon səviyyəsində qalmışdır.

Hesabat dövründə Günəş küləyinin maksimal sürəti 707 km/san–dək artmış və daimi normadan yüksək olmuşdur. Yer orbitində planetlərarası maqnit sahəsinin maksimal qiyməti 21 nT, radial istiqamətdə isə -16 nT olmuşdur. Hal-hazırda Günəş küləyinin sürəti 479 km/san, planetlərarası maqnit sahəsinin maksimal qiyməti 4.72 nT, radial istiqamətdə isə 0.75 nT təşkil edir.

Hesabat dövründə 08 dekabrda Günəşi tərk etmiş TKA-nın təsiri və Tac Dəliyinin geoeffektiv olması nəticəsində 11-13 dekabrda G1-G2 səviyyəli geomaqnit qasırğası baş vermişdir.

Kosmik hava proqnozu – Proqnoz günlərində (15-21 dekabr) C sinif alışmanın baş verməsi ehtimalı 95%, M (R1-R2) sinif alışmanın baş verməsi ehtimalı 25%, X (R3) sinif alışmanın baş verməsi ehtimalı isə 1% təşkil edir.

Enerjisi 2 MeV-dən çox olan elektron selinin normal və orta, 10 MeV-dən çox enerji yüklü proton selinin isə fon səviyyəsində olacağı gözlənilir.    

Günəş küləyi sürətinin Tac Dəliyi Axınlarının təsiri iləyenə də normadan yüksək səviyyədə olacağı gözlənilir. 

Avroraların müşahidə olunması ehtimalı isə yüksək geomaqnit enliklərdə 15-30%, orta  geomaqnit enliklərdə isə 20-1%-dir.

Geomaqnit sahəsinin mənfi qütblü Tac dəliklərinin təsiri ilə sakit-aktiv səviyyələrdə olacağı gözlənilir.  

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.