Kosmik hava durumu – Hesabat dövrü ərzində Günəşin fəallığı artmışdır. Hesabat dövrü ərzində maksimal sinifili alışma 4298 oblastındakı X1.1 sinifli alışma olmuşdur. Alışmalara bağlı olaraq radio rabitədə R2-R3 səviyyəli fasilələr, II-IV tip radio emissiya və 10 sm dalğa uzunluğunda radioalışma və Yerə yönəlmiş Tac Kütlə Atılmaları (TKA) qeydə alınmışdır. Günəşin səthində ləkələrin sayı artaraq 7 ləkə qrupunda 133 ləkə müşahidə olunur.
Hesabat dövrü ərzində enerjisi 2 MeV-dən çox olan elektron 8521 pfu-dək yksəlmişdir. 10 MeV-dən çox enerji yüklü proton seli isə fon səviyyəsində olmuşdur. Günəş küləyinin maksimal sürəti 732 km/san–dək artmışdır. Yer orbitində planetlərarası maqnit sahəsinin maksimal qiyməti 22 nT, radial istiqamətdə isə -13 nT olmuşdur. Hal-hazırda Günəş küləyinin sürəti normaldır (384 km/san) planetlərarası maqnit sahəsinin maksimal qiyməti 6.59 nT, radial istiqamətdə isə -2.57 nT təşkil edir.
Hesabat dövründə geomaqnit sahəsinin intensivliyi Tac Dəliyi Axınlarının gözlənilən təsirinə TKA-lar da əlavə olunduğu üçün güclü geomaqnit qasırğası (G1-G3) qeydə alınmışdır. Hal-hazırda Kp indeksinin göstəricisi 0.5-dir və kosmik hava sakitdir.
Kosmik hava proqnozu – Proqnoz günlərində (08-14 dekabr) C sinif alışmanın baş verməsi ehtimalı 99%, M (R1-R2) sinif alışmanın baş verməsi ehtimalı 65%, X (R3) sinif alışmanın baş verməsi ehtimalı isə 15% təşkil edir.
Enerjisi 2 MeV-dən çox olan elektron selinin normal və orta səviyyələrdəolacağı gözlənilir. 10 MeV-dən çox enerji yüklü proton selinin isə Günəşdəki aktiv regionlar səbəbilə 10 dekabrda S1 səviyyəsinə yüksəlməsi ehtimalı var.
Günəş küləyi sürəti 04 və 06 dekabrda Günəşdə baş vermiş Tac Kütlə Atılmalarının təsiri ilə sürətinin yüksələcəyi gözlənilir.
Avroraların müşahidə olunması ehtimalı isə yüksək geomaqnit enliklərdə 5-70%, orta geomaqnit enliklərdə isə 30-20%-dir.
Geomaqnit sahəsi – 04 dekabrda Günəşi tərk etmiş Tac Kütlə Atılmasının Yerə yönəlmiş komponentinin təsiri ilə bu gün zəif geomaqnit qasırğası (G1) gözlənilir. Sonra isə 06 dekabrda baş vermiş-birbaşa Yerə yönəlmiş TKA-nın Yerə çatacağı və 09-10 dekabrda güclü geomaqnit qasırğasına (G3) səbəb olacağı proqnozlaşdırılır.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
