Kosmik hava durumu – Hesabat dövrü ərzində Günəşin fəallığı artaraq M və X sinif alışmalar qeydə alınmışdır. Hesabat dövrü ərzində ən güclü alışma 4274 oblastındakı X4.05 sinifli alışma olmuşdur. Alışmalara bağlı olaraq radio rabitədə R2-R3 səviyyəli fasilələr, II-IV tip radio emissiya və Yerə yönəlmiş Tac Kütlə Atılmaları (TKA) qeydə alınmışdır. Günəşin səthində ləkələrin sayı azalaraq 7 ləkə qrupunda 88 ləkə və kiçik ölçülü Tac Dəlikləri müşahidə olunur.

Hesabat dövrü ərzində Günəşin fəallığının artkləriası nəticəsində enerjisi 2 MeV-dən çox olan elektron seli normal və orta səviyyədə olmuşdur. 10 MeV-dən çox enerji yüklü proton seli isə S1-S3 səviyyəli proton qasırğasınadək yüksəlmişdir. Günəş küləyinin maksimal sürəti 969 km/san–dək artmışdır. Yer orbitində planetlərarası maqnit sahəsinin maksimal qiyməti 61 nT, radial istiqamətdə isə -55 nT olmuşdur. Hal-hazırda Günəş küləyinin sürəti 527 km/san planetlərarası maqnit sahəsinin maksimal qiyməti 6.02 nT, radial istiqamətdə isə 3.95 nT təşkil edir.

Hesabat dövründə Günəşin fəallığının artması səbəbbi ilə ardıcıl gələn TKA-ın təsiri ilə 13-14 noyabrda da güclü geomaqnit qasırğası davam etmişdir. Hal-hazırda Kp indeksinin göstəricisi 3-dür və kosmik hava qeyri-sabitdir.

Kosmik hava proqnozu – Proqnoz günlərində (17-23 noyabr) C sinif alışmanın baş verməsi ehtimalı 90%, M (R1-R2) sinif alışmanın baş verməsi ehtimalı 55%, X (R3) sinif alışmanın baş verməsi ehtimalı isə 15% təşkil edir.

Enerjisi 2 MeV-dən çox olan elektron  selinin  və 10 MeV-dən çox enerji yüklü proton selinin də TKA-ın təsiri ilə yüksək səviyyələrdə olacağı gözlənilir.    

Günəş küləyi sürətinin 14 noyabrda baş vermiş X4.05 sinifli alışmaya bağlı TKA-nın təsiri ilə ~700 km/san-dək artmışdır. Sonrakı günlərdə isə mənfi qütblü Tac Dəliyi Axınlarının təsir ilə sürətinin yenə də normadan yüksək qalacağı gözlənilir.

Avroraların müşahidə olunması ehtimalı isə yüksək geomaqnit enliklərdə 10-65%, orta  geomaqnit enliklərdə isə 40-50%-dir.

Geomaqnit sahəsi – 14 noyabrda baş vermiş X4.05 sinifli alışmaya bağlı TKA-nın təsiri ilə bu gün zəif geomaqnit qasırğası (G1) ehtimalı var. Sonrakı günlərdə isə  mənfi qütblü Tac Dəliyi Axınlarının təsiri ilə geomaqnit sahəsinin intensivliyinin aktiv və qeyri-sabit səviyyələrdə olacağı gözlənilir.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.