Kosmik hava durumu – Hesabat dövrü ərzində Günəşin fəallığı zəifləmişdir. Həftə ərzində əsasən C sinifli alışmalar olub və 4246 ləkə regionunda cəmi bir M1.8 sinifli alışma qeydə alınmışdır. Bir neçə Tac Kütlə Atılması (TKA) baş versə də, cəmi birinin Yerə təsiri ola bilər. Günəşin səthində ləkələrin sayı azalaraq 7 ləkə qrupunda 92 ləkə müşahidə olunur.
Enerjisi 2 MeV-dən çox olan elektron seli hesabat dövrü ərzində normal və orta səviyyədə olmuşdur. 10 MeV-dən çox enerji yüklü proton seli isə 22-23 oktyabrda S1 səviyyəsinə yüksəlmişdir.
Hesabat dövründə Günəş küləyinin maksimal sürəti 645 km/san–dək artmışdır və daimi normadan yüksək olmuşdur. Yer orbitində planetlərarası maqnit sahəsinin maksimal qiyməti 11 nT, radial istiqamətdə isə -7 nT olmuşdur. Hal-hazırda Günəş küləyinin sürəti normaldır (351 km/san), planetlərarası maqnit sahəsinin maksimal qiyməti 5.95 nT, radial istiqamətdə isə 2.23 nT təşkil edir.
Hesabat dövründə əsasən Tac Dəliklərinin təsiri nəticəsində geomaqnit sahəsinin intensivliyi sakit-aktiv səviyyələr arasında dəyişmişdir. Geomaqnit qasırğası qeydə alınmamışdır.
Kosmik hava proqnozu – Proqnoz günlərində (27 oktyabr-01 noyabr) C sinif alışmanın baş verməsi ehtimalı 80%, M (R1-R2) sinif alışmanın baş verməsi ehtimalı 5%, X (R3) sinif alışmanın baş verməsi ehtimalı isə 1% təşkil edir.
Enerjisi 2 MeV-dən çox olan elektron selinin normal və orta, 10 MeV-dən çox enerji yüklü proton selinin isə fon səviyyəsində olacağı gözlənilir.
Günəş küləyi sürətinin 23 oktyabrda baş vermiş TKA-nın, sonar isə Tac Dəliyi Axınlarının təsiri ilə yüksələcəyi gözlənilir.
Avroraların müşahidə olunması ehtimalı isə yüksək geomaqnit enliklərdə 15-45%, orta geomaqnit enliklərdə isə 30-1%-dir.
Geomaqnit sahəsi – gün əırzində aktiv səviyyələrə yüksələ bilər. 28–29 oktyabrda isə 23 oktyabrda Günəşi tərk etmiş TKA-nın və müsbət qütblü Tac Dəliyi Axınlarının təsiri iləəsasən G1 (zəif) səviyyəli geomaqnit qasırğası gözlənilsə də, G2 (orta) səviyyəsinə də yüksəlməsi ehtimalı var.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
