Kosmik hava durumu – Hesabat dövrü ərzində Günəş fəallığı artaraq əsasən M sinifli alışmalar baş vermişdir. Maksimal sinifli alışma isə 4246 oblastındakı M4.8 sinifli alışma olmuşdur. Alışmalara bağlı olaraq 10 sm diapazonda radioalışma, radio rabitədə R1 səviyyəli fasilələr, II tip radio emissiya və bir neçə Tac Kütlə Atılmaları (TKA) qeydə alınmışdır. Günəşin səthində ləkələrin sayı azalaraq 8 ləkə qrupunda 103 ləkə müşahidə olunur.
Enerjisi 2 MeV-dən çox olan elektron seli həftə ərzində normal və orta səviyyədə olmuşdur. 10 MeV-dən çox enerji yüklü proton seli isə fon səviyyəsində qalmışdır. Hesabat dövründə Günəş küləyinin maksimal sürəti 946 km/san-dək artmışdır. Yer orbitində planetlərarası maqnit sahəsinin maksimal qiyməti 20 nT, radial istiqamətdə isə -12 nT olmuşdur. Hal-hazırda Günəş küləyinin sürəti 588 km/san planetlərarası maqnit sahəsinin maksimal qiyməti 6.3 nT, radial istiqamətdə isə 3.6 nT təşkil edir.
Hesabat dövründə 15 oktyabrda baş vermiş TKA-nın və Tac Dəliyi Axınlarının təsiri ilə 18 oktyabrda G1-G2 səviyyəli geomaqnit qasırğası müşahidə olunub. Hal-hazırda Kp indeksinin göstəricisi 2.9-dur və geomaqnit sahəsi qeyri-stabil səviyyəyə yaxındır.
Kosmik hava proqnozu – Proqnoz günlərində (20-26 oktyabr) C sinif alışmanın baş verməsi ehtimalı 95%, M (R1-R2) sinif alışmanın baş verməsi ehtimalı 25%, X (R3) sinif alışmanın baş verməsi ehtimalı isə 5% təşkil edir.
Enerjisi 2 MeV-dən çox olan elektron selinin Tac Dəliyi Axınlarının təsiri ilə yenidən yüksələcəyi, 10 MeV-dən çox enerji yüklü proton selinin isə fon səviyyəsində qalacağı proqnozlaşdırılır.
Günəş küləyinə mənfi qütblü Tac Dəliyi Axınlarının təsiri gözlənilir.
Avroraların müşahidə olunması ehtimalı isə yüksək geomaqnit enliklərdə 10-50%, orta geomaqnit enliklərdə isə 30-5%-dir.
Geomaqnit sahəsi – mənfi qütblü Tac Dəliyi Axınlarınının təsiri ilə bu gün və sabah aktiv səviyyədə olacaq. Sonra isə sakit kosmik hava şəraiti gözlənilir.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
