10 aprel 2018-ci il tarixində Şamaxı Astrofizika Rəsədxanasının 2 m-lik teleskopunda (Xıdır Mikayılov, İlqar Ələkbərov, Orxan Xəlilov) SN2018aoq (z=0.00332,məsafə 17 Mpc, mag ~15,8) İfrat Yeni ulduzun λλ4000-7000ÅÅ dalğa uzunluğu oblastında spektral müşahidəsi aparılıb. Alınan spektrin ilkin emalı göstərir ki, əsasən hidrogen xəttləri (Hα, Hβ, Hγ) müşahidə olunur və profil P Cyg tiplidir. Absorbsiya komponentinin şüa sürətləri - 6000÷ - 7000km/san ətrafındadır.

Qeyd edək ki, NGC4151 qalaktikasında yerləşən İY, qalaktikanın mərkəzindən 1'13 " məsafəsindədir. Yaponiyanın Hiroşima Universitetinin 1.5 m-lik Kanata teleskopu vasitəsilə ilk olaraq İY spektral müşahidəsi aparılmış və onun II tip ifratyeni olduğu bildirilmişdir. Bizdə alınmış spektrlər bu nəticəni təsdiq edir.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.