Şamaxı şəhərində keçirilən COP29 İqlim Dəyişmələri üzrə İkinci Yay Düşərgəsinin üçüncü gününün sonunda düşərgə iştirakçılarının Azərbaycan Respublikası Elm və Təhsil Nazirliyi Nəsirəddin Tusi adına Şamaxı Astrofizika Rəsədxanasına (ŞAR) ziyarəti təşkil edilib.

Düşərgə iştirakçılar peşəkar bələdçilərin müşaiyətilə Şamaxı Astrofizika Rəsədxanasının infrastrukturu ilə tanış olub. İlk öncə ŞAR-ın muzeyində olan qonaqlara buradakı ekspanatlar haqqında ətraflı məlumat verilib. Müxtəlif meteorid nümunələri, 2 metrlik teleskopun ilkin idarəetmə qurğusu və digər eksponatlar iştirakçıların marağına səbəb olub.

Sonra ziyarətçilər ŞAR-ın 2 metrlik teleskopunun binasına aparılıb. Rəsədxananın kiçik elmi işçisi Aytac İskəndərova qonaqlara teleskopun texniki parametrləri, burada aparılan elmi tədqiqat işləri barədə məlumat verib və onların astronomiya haqqında suallarını cavablandırıb.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.