Kosmik hava durumu – Hesabat dövrü ərzində Günəşin fəallığı azalmışdır, M sinif alışmalar əsasən 4168 regionunda qeydə alınmış və maksimal sinifli alışma M2.2 sinifli alışma olmuşdur. Alışmalara bağlı olaraq radiorabitədə R1 səviyyəli fasilələr, II tip radio emissiya qeydə alınmışdır. Həmçinin hesabat dövrü ərzində Tac Kütlə Atılmaları (TKA) və rekurrent Tac Dəlikləri müşahidə olunub. Günəşin səthində ləkələrin sayı azalaraq 5 ləkə qrupunda 73 ləkə müşahidə olunur.

Enerjisi 2 MeV-dən çox olan elektron seli hesabat dövrü ərzində yüksək səviyyədə olmuş və 9365 pfu-dək artmışdır. 10 MeV-dən çox enerji yüklü proton seli isə fon səviyyəsində qalmışdır.

Hesabat dövründə Günəş küləyinin maksimal sürəti 710 km/san–dək artmışdır. Yer orbitində planetlərarası maqnit sahəsinin maksimal qiyməti 11 nT, radial istiqamətdə isə -7 nT olmuşdur. Hal-hazırda Günəş küləyinin sürəti 407 km/san,planetlərarası maqnit sahəsinin maksimal qiyməti 9.17 nT, radial istiqamətdə isə -5.09 nT təşkil edir. Hesabat dövründə geomaqnit sahəsinin intensivliyi aktiv-sakit səviyyələr arasında dəyişmişdir. Hal-hazırda kp indeksinin göstəricisi 2-dir və kosmik hava sakitdir.

Kosmik hava proqnozu – Proqnoz günlərində (18-25 avqust) C sinif alışmanın baş verməsi ehtimalı 35%, M (R1-R2) sinif alışmanın baş verməsi ehtimalı 5%,X (R3) sinif alışmanın baş verməsi ehtimalı isə 1% təşkil edir.

Enerjisi 2 MeV-dən çox olan elektron seli orta və yüksək, 10 MeV-dən çox enerji yüklü proton selinin fon səviyyəsində olacağı gözlənilir.

Günəş küləyinin mənfi qütblü Tac Dəliyi Axınlarının və 17 avqustda baş vermiş TKA-nın təsiri ilə sürətinin yenə də normadan yüksək olacağı gözlənilir.

Avroraların müşahidə olunması ehtimalı isə yüksək qütb dairələrində 5-65%, orta qütb dairələrində isə 35-10%-dir.

Geomaqnit sahəsi – mənfi qütblü Tac Dəliyi Axınlarınının və 17 avqustda baş vermiş TKA təsiri ilə bu gün və sabah G1 səviyyəli geomaqnit qasırğası gözlənilir. Sonrakı günlərdə isə sakit və qeyri-sabit səviyyələr arasında dəyişəcəyi proqnozlaşdırılıb.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.