Kosmik hava durumu – Hesabat dövrü ərzində Günəşin zəifləmişdir, maksimal sinifli alışma isə 4149 oblastındakı C7.4 sinifli alışma olmuşdur. Günəşin səthində ləkələrin sayı azalaraq 10 ləkə qrupunda 126 ləkə müşahidə olunur.

Enerjisi 2 MeV-dən çox olan elektron seli hesabat dövrü ərzində yüksək səviyyədə (maks: 14495 pfu), 10 MeV-dən çox enerji yüklü proton seli isə fon səviyyəsində olmuşdur.

Hesabat dövründə Günəş küləyinin maksimal sürəti 1091 km/san–dək artmışdır və daimi normadan yüksək olmuşdur. Yer orbitində planetlərarası maqnit sahəsinin maksimal qiyməti 41 nT, radial istiqamətdə isə -13 nT olmuşdur. Hal-hazırda Günəş küləyinin sürəti 412 km/san planetlərarası maqnit sahəsinin maksimal qiyməti 5.01 nT, radial istiqamətdə isə 2.74 nT təşkil edir.

Hesabat dövründə 22-23 iyul tarixlərində Tac Dəliklərinin təsiri ilə G1-G2 səviyyəli geomaqnit qasırğası müşahidə olunmuşdur.

Kosmik hava proqnozu – Proqnoz günlərində (28 iyul-03 avqust) C sinif alışmanın baş verməsi ehtimalı 99%, M (R1-R2) sinif alışmanın baş verməsi ehtimalı 30%, X (R3) sinif alışmanın baş verməsi ehtimalı isə 10% təşkil edir.

Enerjisi 2 MeV-dən çox olan elektron selinin 30 iyula normal səviyyəyə enəcəyi, 10 MeV-dən çox enerji yüklü proton selinin isə fon səviyyəsində olacağı gözlənilir.    

Günəş küləyi sürətinin bu gün 23 iyulda qeydə alınmış Tac Kütlə Atılmasının  təsiri ilə, sonra isə şimal yarımkürəsində müşahidə olunan Tac Dəliyinin təsiri iə sürətinin yenidən artacağı gözlənilir.

Avroraların müşahidə olunması ehtimalı isə yüksək qütb dairələrində 15-35%, orta coğrafi enliklərdə isə 25-1%-dir.

Geomaqnit sahəsi – 23 iyuldan qeydə alınmış Tac Kütlə Atılmasının təsiri ilə, sonra isə şimal yarımkürəsində müşahidə olunan mənfi qütblü Tac Dəliyinin geoeffetiv olması nəticəsində qeyri-stabil və aktiv səviyyələrdə olacağı gözlənilir. 02 avqust tarixində isə Kp indeksinin 5-ə yüksəlməsi (G1)  ehtimalı var.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir