Kosmik hava durumu – Hesabat dövrü ərzində Günəş fəallığı azalmışdır. Maksimal sinifli alışma C2.56 sinifli alışma olmuş, Tac Kütlə Atılmaları qeydə alınmışdır. Günəşin səthində ləkələrin sayı azalaraq 6 ləkə qrupunda 81 ləkə müşahidə olunur. 

Enerjisi 2 MeV-dən çox olan elektron seli hesabat dövrü ərzində 8726 pfu-dək yüksəlmiş, 10 MeV-dən çox enerji yüklü proton seli isə fon səviyyəsində olmuşdur. 

Hesabat dövründə Günəş küləyinin maksimal sürəti 1057 km/san-dək artmışdır. Yer orbitində planetlərarası maqnit sahəsinin maksimal qiyməti 14 nT, radial istiqamətdə isə -12 nT olmuşdur. Hal-hazırda Günəş küləyinin sürəti 516 km/san, planetlərarası maqnit sahəsinin maksimal qiyməti 9.56 nT, radial istiqamətdə isə 6.63 nT təşkil edir

Mənfi qütblü Tac Dəliyi Axılarının təsiri ilə dünən və bu gün G1 səviyyəli geomaqnit qasırğası müşahidə olunur. 

Kosmik hava proqnozu – Proqnoz günlərində (07-13 iyul) C sinif alışmanın baş verməsi ehtimalı 75%, M (R1-R2) sinif alışmanın baş verməsi ehtimalı 5%, X (R3) sinif alışmanın baş verməsi ehtimalı isə 1% təşkil edir.

Enerjisi 2 MeV-dən çox olan elektron selinin normal və orta səviyyədə, 10 MeV-dən çox enerji yüklü proton selinin isə fon səviyyəsində olacağı gözlənilir.  

Günəş küləyi sürətinin müşahidə olunan mənfi qütblü Tac Dəliyi Axınlarına bağlı olaraq bağlı olaraq 09 iyuladək normadan yüksək qalacağı gözlənilir.

Avroraların müşahidə olunması ehtimalı yüksək qütb dairələrində 15-30%, orta coğrafi enliklərdə isə 20-1%-dir.

Geomaqnit sahəsi – Tac Dəliyinin təsiri ilə gün ərzində və yenidən 11 iyulda G1 (zəif qasırğa) səviyyəli geomaqnit qasırğası olması ehtimalı var. 

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.