Azərbaycan Respublikası Elm və Təhsil Nazirliyi Nəsirəddin Tusi adına Şamaxı Astrofizika Rəsədxanasının (ŞAR) nəzdində fəaliyyət göstərən FD1.39 Dissertasiya Şurasının iclası keçirilib.

İclasda xarici və yerli astrofiziklərdən təşkil olunmuş Dissertasiya Şurası üzvləri ilə yanaşı, müşahidəçi qismində ixtisasçı mütəxəssislər də iştirak edib.

Şamaxı Astrofizika Rəsədxanasının icraçı direktoru, fizika-riyaziyyat elmləri doktoru, professor Nəriman Zeynalabdi oğlu İsmayılovun sədrliyi ilə keçirilən iclasda iddiaçı Ruslan Təvəkgül oğlu Məmmədovun “CH Cyg simbiotik ulduzunun fotometrik və spektral xüsusiyyətləri” mövzusunda, astronomiya elm sahəsində “2108.01 – Astrofizika və ulduz astronomiyası” ixtisası üzrə fəlsəfə doktoru elmi dərəcəsi almaq üçün təqdim etdiyi dissertasiya işinin müdafiəsi keçirilib.

İddiaçı dissertasiya işinin aktuallığını, elmi yeniliklərini, müdafiəyə çıxarılan əsas müddəaları, işin aprobasiyası  və aldığı nəticələri şura üzvlərininin diqqətinə çatdırıb. Daha sonra rəyçilərə söz verilib, onların təklif və iradları dinlənilib, iddiaçı mövzu ilə bağlı sualları ətraflı formada cavablandırıb.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.