Kosmik hava durumu – Hesabat dövrü ərzində Günəşin fəallığı son sutka ərzində artaraq, 4098 ləkə qrupunda ardıcıl M sinif alışmalar qeydə alınmışdır. Maksimal sinifli alışma isə həmin oblastındakı X1.12 sinifli alışma olmuşdur. Alışmalara bağlı olaraq Tac Kütlə Atılmaları (TKA), radiosiqnallarda R2-R3 səviyyəli fasilələr və 10 sm diapazonda radioalışma qeydə alınmışdır. Son alışmalar güclü olmasına baxmayaraq ləkə qrupu qərb limbinə yaxın olduğundan, müşaiyət olunan TKA Yerə istiqamətlənməyib. Günəşin səthində ləkələrin sayı artaraq 8 ləkə qrupunda 105 ləkə və Tac dəlikləri müşahidə olunur.
Enerjisi 2 MeV-dən çox olan elektron seli hesabat dövrü ərzində yüksək səviyyələrdə olub 1643 pfu-dək artmış, 10 MeV-dən çox enerji yüklü proton seli isə fon səviyyəsində qalmışdır.
Hesabat dövründə Günəş küləyinin maksimal sürəti 679 km/san–dək artmışdır. Yer orbitində planetlərarası maqnit sahəsinin maksimal qiyməti 11 nT, radial istiqamətdə isə -8 nT olmuşdur. Hal-hazırda Günəş küləyinin sürəti normaldır (400 km/san) planetlərarası maqnit sahəsinin maksimal qiyməti 7.96 nT, radial istiqamətdə isə -2.14 nT təşkil edir.
Hesabat dövründə ərzində sakit və qeyri-sabit kosmik hava şəraiti müşahidə olunmuşdur. Hal-hazırda geomaqnit sahəsinin fəallığını ifadə edən Kp indeksi 1.7-yə bərabərdir və kosmik hava sakitdir.
Kosmik hava proqnozu – Proqnoz günlərində (26 may-01 iyun) C sinif alışmanın baş verməsi ehtimalı 99%, M (R1-R2) sinif alışmanın baş verməsi ehtimalı 65%, X (R3) sinif alışmanın baş verməsi ehtimalı isə 25% təşkil edir.
Enerjisi 2 MeV-dən çox olan elektron selinin normal və orta səviyyədə olacağı gözlənilir. 10 MeV-dən çox enerji yüklü proton selinin isə S1 səviyyəsinə yüksəlməsi ehtimalı var.
Günəş küləyinin sürətinə müsbət qütblü Tac Dəliyi Axınlarının təsirinin 28 mayadək davam edəcəyi gözlənilir.
Avroraların müşahidə olunması ehtimalı isə yüksək qütb dairələrində 15-25%, orta qütb dairələrində isə 20-1%-dir.
Geomaqnit sahəsinin Tac Dəliyi Axınlarınının təsiri ilə qeyri sabit və aktiv səviyyələrdə olacağı gözlənilir.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
