Kosmik hava durumu – Hesabat dövrü ərzində Günəşin fəallığı artmış M və X sinifli alışmalar qeydə alınmışdır. Maksimal sinifli alışma isə 4087 oblastındakı X2.7 sinifli alışma olmuşdur. Alışmalara bağlı olaraq 10 sm diapazonda radioalışma, II tip radioemissiya, radio siqnallarının ötürülməsində R2-R3 dərəcəli fasilələr və Tac Kütlə Atılmaları (TKA) qeydə alınmışdır. Günəşin səthində ləkələrin sayı azalaraq 5 ləkə qrupunda 66 ləkə və cənub yarımkürəsində böyük Tac dəliyi müşahidə olunur.

Enerjisi 2 MeV-dən çox olan elektron seli hesabat dövrü ərzində yüksək səviyyələrdə olub 1870 pfu-dək, 10 MeV-dən çox enerji yüklü proton seli isə 5 pfu-dək (S1) artmışdır.

Hesabat dövründə Günəş küləyinin maksimal sürəti 950 km/san olmuşdur. Yer orbitində planetlərarası maqnit sahəsinin maksimal qiyməti 22 nT, radial istiqamətdə isə -18 nT olmuşdur. Hal-hazırda Günəş küləyinin sürəti 495 km/san planetlərarası maqnit sahəsinin maksimal qiyməti 8.14 nT, radial istiqamətdə isə -2.03 nT təşkil edir.

Hesabat dövründə 15-18 maytarixlərində əsasən Tac dəliyi Axınlarının G1-G2 səviyyəli  geomaqnit qasırğası qeydə alınmışdır. Hal-hazırda geomaqnit sahəsinin fəallığını ifadə edən Kp indeksi 3-ə bərabərdir və geomaqnit sahəsi qeyri-sabitdir.

Kosmik hava proqnozu – Proqnoz günlərində (20-26 may) C sinif alışmanın baş verməsi ehtimalı 95%, M (R1-R2) sinif alışmanın baş verməsi ehtimalı 35%, X (R3) sinif alışmanın baş verməsi ehtimalı isə 5% təşkil edir.

Enerjisi 2 MeV-dən çox olan elektron selinin Tac dəliyinin təsiri ilə yenidən yüksək səviyyələrdə olacağı, 10 MeV-dən çox enerji yüklü proton selinin isə fon səviyyəsində qalması proqnozlaşdırılır.   

Günəş küləyinin sürətininTac Dəliyi Axınlarının təsiri ilə yenə də normadan yüksək olacağı gözlənilir.  

Avroraların müşahidə olunması ehtimalı isə yüksək qütb dairələrində 15-45%, orta qütb dairələrində isə 30-1%-dir.

Geomaqnit sahəsinin Tac Dəliyi Axınlarınının təsiri ilə qeyri-sabit və aktiv səviyyələrdə olacağı gözlənilir.