Kosmik hava durumu – Hesabat dövrü ərzində Günəşin fəallığı zəifləmiş və əsasən C sinif alışmalar qeydə alınmışdır. Maksimal sinifli alışma isə son 24 saat ərzində qeydə alınmış 4079 oblastındakı M1.97 sinifli alışma olmuşdur. Alışmalara bağlı olaraq Tac Kütlə Atılmaları (TKA) qeydə alınmışdır. Günəşin səthində ləkələrin sayı azalaraq 4 ləkə qrupunda 70 ləkə və Tac dəlikləri müşahidə olunur.
Enerjisi 2 MeV-dən çox olan elektron seli hesabat dövrü ərzində yüksək səviyyədə olub 16254 pfu-dək yüksəlmiş, 10 MeV-dən çox enerji yüklü proton seli isə fon səviyyəsində qalmışdır.
Hesabat dövründə Günəş küləyinin maksimal sürəti 1031 km/san–dək artmışdır. Yer orbitində planetlərarası maqnit sahəsinin maksimal qiyməti 12 nT, radial istiqamətdə isə -9 nT olmuşdur. Hal-hazırda Günəş küləyinin sürəti 444 km/san planetlərarası maqnit sahəsinin maksimal qiyməti 10.69 nT, radial istiqamətdə isə 8.1 nT təşkil edir.
Hesabat dövründə geomaqnit sahəsi sakit-aktiv periodlarda olmuş. Qısamüddətli G1 səviyyəsinə yüksəlmələr qeydə alınmışdır. Sutkanın ilk saatlarında geomaqnit sahəsinin fəallığı G1 səviyyəsinə yüksəlmişdir, hal-hazırda Kp indeksi 4-ə bərabərdir və geomaqnit sahəsi aktivdir.
Kosmik hava proqnozu – Proqnoz günlərində (12-18 may) C sinif alışmanın baş verməsi ehtimalı 75%, M (R1-R2) sinif alışmanın baş verməsi ehtimalı 1%, X (R3) sinif alışmanın baş verməsi ehtimalı isə 1% təşkil edir.
Enerjisi 2 MeV-dən çox elektron selinin orta və yüksək, 10 MeV-dən çox enerji yüklü proton selinin isə fon səviyyəsində olacağı proqnozlaşdırılır.
Günəş küləyinin sürətinin mənfi qütblü Tac Dəliyi Axınlarının müsbət qütblü ilə əvəzlənməsinin təsiri ilə normadan yüksək olacağı gözlənilir.
Avroraların müşahidə olunması ehtimalı isə yüksək qütb dairələrində 10-60%, orta qütb dairələrində isə 40-5%-dir.
Geomaqnit sahəsi – mənfi qütblü Tac Dəliyi Axınlarınının təsiri ilə bu gün G1 səviyyəli geomaqnit qasırğası davam edəcəkdir. Sonrakı günlərdə isə müsbət qütblü Tac Dəliyi Axınlarınının təsiri ilə geomaqnit sahəsinin yenidən aktiv səviyyəyə yüksələcəyi gözlənilir.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
