Kosmik hava durumu – Hesabat dövrü ərzində Günəşin fəallığı qismən artmışdır, Əsasən 4078 və 4079 ləkə qruplarında C-M sinif alışmalar qeydə alınmışdır. Maksimal sinifli alışma isə 4079 oblastındakı M2.0 sinifli alışma olmuşdur. Alışmalara bağlı olaraq 10 sm diapazonda radioalışma vəTac Kütlə Atılmaları (TKA) qeydə alınmışdır. Günəşin səthində ləkələrin sayı azalaraq 5 ləkə qrupunda 92 ləkə və cənub yarımkürəsində Tac dəliyi müşahidə olunur.
Enerjisi 2 MeV-dən çox olan elektron seli hesabat dövrü ərzində 9364 pfu-dək yüksəlmiş, 10 MeV-dən çox enerji yüklü proton seli isə fon səviyyəsində qalmışdır.
Hesabat dövründə Günəş küləyinin maksimal sürəti 1148 km/san–dək artmışdır. Yer orbitində planetlərarası maqnit sahəsinin maksimal qiyməti 14 nT, radial istiqamətdə isə -13 nT olmuşdur. Hal-hazırda Günəş küləyinin sürəti 656 km/san planetlərarası maqnit sahəsinin maksimal qiyməti 6.44 nT, radial istiqamətdə isə -0.11 nT təşkil edir.
Hesabat dövründə 01-04 may tarixlərində Tac dəliyi Axınlarının təsiri ilə əsasən G1 səviyyəli (zəif) geomaqnit qasırğası qeydə alınmışdır. Hal-hazırda geomaqnit sahəsinin fəallığını ifadə edən Kp indeksi 5-ə bərabərdir, bu isə G1 səviyyəli (zəif) geomaqnit qasırğası deməkdir.
Kosmik hava proqnozu – Proqnoz günlərində (05-11 may) C sinif alışmanın baş verməsi ehtimalı 90%, M (R1-R2) sinif alışmanın baş verməsi ehtimalı 35%, X (R3) sinif alışmanın baş verməsi ehtimalı isə 5% təşkil edir.
Enerjisi 2 MeV-dən çox olan elektron selinin yenidən yüksələcəyi, 10 MeV-dən çox enerji yüklü proton selinin isə fon səviyyəsində olacağı proqnozlaşdırılır.
Günəş küləyinin sürətinin mənfi qütblü Tac Dəliyi Axınlarının təsiri ilə 07 may tarixinədək normadan yüksək olacağı gözlənilir.
Avroraların müşahidə olunması ehtimalı isə yüksək qütb dairələrində 10-50%, orta qütb dairələrində isə 35-5%-dir.
Geomaqnit sahəsi – mənfi qütblü Tac Dəliyi Axınlarınının təsiri ilə bu gün geomaqnit qasırğasının davam edəcəyi, sonra isə proqnoz dövrü ərzində sakit və qeyri-sabit səviyyələrdə olacağı gözlənilir.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
