Aprelin 18-də Azərbaycan Respublikası Elm və Təhsil Nazirliyi Nəsirədddin Tusi adına Şamaxı Astrofizika Rəsədxanasında (ŞAR) Elmi Şuranın növbəti iclası keçirilib.

Tədbiri rəsədxananın Baş direktoru, AMEA-nın müxbir üzvü Namiq Cəlilov açaraq gündəlikdə duran məsələlər barədə şura üzvlərinə məlumat verib.

İclasın gündəliyinə uyğun olaraq ilk öncə rəsədxanada fəlsəfə doktoru hazırlığı üzrə doktoranturaya sənəd qəbulu haqqında aidiyyatı şəxslərin çıxışları dinlənilib. Ümumi müzakirədən sonra qəbul planının icrası ilə bağlı müvafiq qərar qəbul olunub. 

Daha sonra ŞAR-da Ümummilli Lider Heydər Əliyevin anadan olmasının 102-ci ildönümü münasibətilə keçirilməsi nəzərdə tutulan tədbirin təşkilati məsələləri barədə müzakirə aparılıb. Tədbirin Yeni Azəryancan Partiyasının Şamaxı və Yasamal Rayon Təşkilatları ilə əməkdaşlıq çərçivəsində yüksək səviyyədə təşkili üçün təkliflər səsləndirilib və qərar qəbul edilib.

Sonda bir sıra cari məsələlər müzakirə olunub.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.