Kosmik hava durumu – Hesabat dövrü ərzində Günəş fəallığı artmışdır. 4046 və 4048 regionları aktiv olub əsasən M sinif alışmıar baş vermişdir. Maksimal sinifli alışma 4046 oblastındakı X1.1 sinifli alışma olmuşdur. Alışmalara bağlı olaraq II-IV tipradioemissiya, radio rabitədə R2-R3 səviyyəli fasilələr qeydə alınmışdır. Günəşin səthində ləkələrin sayı azalaraq 7 ləkə qrupunda 111 ləkə müşahidə olunur.
Enerjisi 2 MeV-dən çox olan elektron seli hesabat dövrü ərzində 2961 pfu-dək yüksəlmişdir. 10 MeV-dən çox enerji yüklü proton seli 31 mart tarixindən başlayaraq yüksəlmişdir. Hal-hazırda S2 səviyyəli zərrəcik qasırğası davam edir.
Hesabat dövründə Günəş küləyinin maksimal sürəti 1025 km/san–dək artmışdır. Yer orbitində planetlərarası maqnit sahəsinin maksimal qiyməti 39 nT, radial istiqamətdə isə -20 nT olmuşdur. Hal-hazırda Günəş küləyinin sürəti 414 km/san planetlərarası maqnit sahəsinin maksimal qiyməti 9.3 nT, radial istiqamətdə isə 0.4 nT təşkil edir.
Hesabat dövründə Tac Kütlə Atılmaları (TKA) və Tac Dəliklərinin təsiri ilə Yerdə kosmik hava aktiv olmuş, 19-27 mart tarixlərində G1-G2 səviyyəli geomaqnit qasırğaları baş vermişdir.. Hal-hazırda geomaqnit sahəsinin fəallığını ifadə edən Kp indeksi 1-ə bərabərdir.
Kosmik hava proqnozu – Proqnoz günlərində (01-06 mart) C sinif alışmanın baş verməsi ehtimalı 99%, M (R1-R2) sinif alışmanın baş verməsi ehtimalı 75%, X (R3) sinif alışmanın baş verməsi ehtimalı isə 25% təşkil edir.
Enerjisi 2 MeV-dən çox olan elektron selinin normal və orta səviyyədə olacağı, 10 MeV-dən çox enerji yüklü proton selinin isə 03 aprelədək yüksək səviyyədə qalması gözlənilir.
Günəş küləyinin sürətinin müsbət qütblü 27-28 martda Günəşi tərk etmiş TKA-ın təsiri ilə hələ bir neçə gündə normadan bir az yüksək olacağı proqnozlaşdırılır.
Avroraların müşahidə olunması ehtimalı isə yuxarı coğrafi enliklərdə 30-25%, orta coğrafi enliklərdə isə 5-1%-dir.
Geomaqnit sahəsinin qeyri-sabit və aktiv səviyyələrdə olacağı gözlənilir, 05 aprel tarixinə geomaqnit sahəsinin intensivliyinin G1 səviyyəsinə yüksəlməsi ehtimalı var.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
