Mart ayının 23-də Saturnun halqalarını müşahidə etmək mümkün olmayıb.

Halqaların gözdən itməsi planetin fəzada vəziyyəti ilə izah olunur. Belə ki, Saturn Günəş ətrafında bir dövrəni təxminən 30 ilə tamamlayır və bu zaman iki dəfə halqaları Yerin orbiti ilə eyni müstəvidə olur. Nəticədə, halqaların tili Yerdəki müşahidəçiyə tərəf yönəldiyindən “görünməz” olur. Sonuncu dəfə bu hadisə 2009-cu ildə baş verib. Planetlər hərəkətdə olduğundan biz periodik olaraq bu hadisəni müşahidə edirik. Cari ilin noyabr ayında təkrarlanması gözlənən halqaların "itməsi" halı növbəti dəfə 2038-ci ildə baş verəcək. Bu planetlərin konfiqurasiyasının yaratdığı vizual effektdir, heç bir ciddi fiziki dəyişiklik baş vermir. Halqaların yenidən Yerdən maksimal bucaq altında görünməsi üçün 2031-ci ilədək gözləmək lazım gələcək.

Qeyd edək ki, Saturnun halqaları ilk dəfə Qalileo Qaliley tərəfindən kəşf olunub. Qalınlığı təxminən 10 m olan halqalar daş parçaları və tozdan ibarətdir. Halqaların eni planetdən 282 000 km-ə qədər uzanır. Təkcə Saturn halqa sisteminə malik deyil, həmçinin Yupiter, Uran və Neptunun da nazik halqaları var. Astronomların hesablamalarına əsasən, Saturnun 100-400 milyon il ərzində öz halqalarını tamamilə itirəcək.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.