Kosmik hava durumu – Hesabat dövrü ərzində Günəşin fəallığı zəifləmişdir. Maksimal sinifli alışma 4016 oblastındakı M1.6 sinifli alışma olmuşdur. Günəşin səthində ləkələrin sayı azalaraq 6ləkə qrupunda 73 ləkə müşahidə olunur.

Enerjisi 2 MeV-dən çox olan elektron seli həftə ərzində 1133 pfu-dək yüksəlmişdir. 10 MeV-dən çox enerji yüklü proton seli fon səviyyəsində qalmışdır.

Hesabat dövründə Günəş küləyinin maksimal sürəti 1349 km/san–dək artmışdır. Yer orbitində planetlərarası maqnit sahəsinin maksimal qiyməti 18 nT, radial istiqamətdə isə -13 nT olmuşdur. Hal-hazırda Günəş küləyinin sürəti 529 km/san planetlərarası maqnit sahəsinin maksimal qiyməti 4.3 nT, radial istiqamətdə isə 1.8 nT təşkil edir.

Hesabat dövründə 08-09 mart tarixlərində Tac dəliklərinin təsiri ilə geomaqnit sahəsinin intensivliyi G1-G2 səviyyəsinədək yüksəlmişdir. Hal-hazırda geomaqnit sahəsinin fəallığını ifadə edən Kp indeksi 2-yə bərabərdir və kosmik hava sakitdir.  

Kosmik hava proqnozu – Proqnoz günlərində (10-16 mart) C sinif alışmanın baş verməsi ehtimalı 99%, M (R1-R2) sinif alışmanın baş verməsi ehtimalı 30%, X (R3) sinif alışmanın baş verməsi ehtimalı isə 5% təşkil edir.

Enerjisi 2 MeV-dən çox olan elektron selinin normal və orta, 10 MeV-dən çox enerji yüklü proton selinin isə fon səviyyəsində olacağı gözlənilir.   

Günəş küləyinin sürətinin mənfi qütblü Tac Dəliyi Axınlarının təsiri ilə 12 martadək eyni tempdə qalacağıgözlənilir.  

Avroraların müşahidə olunması ehtimalı isə yuxarı coğrafi enliklərdə 25-65%, orta coğrafi enliklərdə isə 30-5%-dir.

Geomaqnit sahəsi – Gün ərzində geomaqnit sahəsinin intensivliyi G1-G2 səviyyəsinədək yüksələ bilər. Yüksək Sürətli Tac Dəliyi Axınlarınının aktiv kosmik hava şəraitinin 12 martadək davam edəcəyi gözlənilir. 

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.