27 dekabr 2024-cü ildə “ATLAS” tərəfindən aşkar olunmuş 2024 YR24 asteroidinin 22 dekabr 2032-ci ildə Yerə yaxınlaşacağı proqnozlaşdırılır. Beynəlxalq Asteroid Xəbərdarlıq Şəbəkəsinın bildirişinə əsasən “Monte-Karlo” kodu ilə asteroidin yerlə toqquşması ehtimalının qiyməti 3% hesablanmışdır. Toqquşma ehtimalı 3.1 – 0.004% arasında dəyişir. Son hesablanmış ehtimal 0.004%-dir. Yekun olaraq asteroidin Yerə nə qədər yaxınlaşacağı 2028-ci ildə dəqiqləşəcəkdir. Hal-hazırda asteroidin nəinki geosinxron orbitdən, hətta Ayın orbtindən də uzaq məsafədən keçəcəyi gözlənilir.

Yerə 0.3 a.v-dən çox yaxınlaşan asteroidlər Yerətrafı əsteroidlər,  0.05 a.v-dən çox yaxınlaşan asteroidlər isə Potensial təhlükəli asteriodlər kimi təsnifləşdirilib. 2023-cü ilin hesabatına əsasən 31000 Yerətrafı asteroid qeydə alınıb, onlardan 2000-i isə Potensial təhlükəli asteroidlərdir. Potensial təhlükəli asteroidlər toqquşma ehtimalı 1%-dən çox, ölçüsü 10 m-dən çox olan asteroidlər hesab olunur. Bu asteroidlərdən ölçüsü 140 m-dən daha böyük olanları da var. Belə asteroidlər Yerlə toqquşarsa qlobal fəlakətə səbəb ola bilər. Ölçüsü 10 m tərtibində olan asteroidlər isə toqquşma zamanı pəncələrin şüşələrinin qırılması kimi ziyan vura bilər (Məs.: 2013-cü ildə düşmüş Çelyabinsk asteroidinin diametri 20 m idi).

2024 YR24 asteroidinin ölçüsünün 40-90 m aralığında olduğu ehtimal edilir. Asteroid aprel ayınadək Yerdən müşahidə oluna biləcək. Sonra isə 2028-ci ildə Yerə yaxınlaşan zaman asteroidin trayektoriyası dəqiq məlum olacaq. Əgər asteroid Yerlə toqquşarsa, Sakit Okeanın şərqi, Cənubi Amerikanın şimalı, Atlantik Okean, Afrika, Ərəb dənizi və Cənubi Asiya boyunca uzanan zolaq risk altında olacaqdır.

Qeyd edək ki, yenilənmələri “Sentry” üzərindən izləyə bilərsiniz.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.