Kosmik hava durumu – Hesabat dövrü ərzində Günəşin fəallığı dəyişməyib, rdıcıl M sinif alışmalar baş vermişdir. 3981 ləkə oblastı daha çox fəallıq göstərmişdir və maksimal sinifli alışma M8.8 sinifli alışma olmuşdur. Alışmalara bağlı olaraq II tip radioemissiya, 10 sm dalğa uzunluğunda radioalışmalar, radiosiqnalların ötürülməsində R2 tipli fasilələr qeydə alınmışdır. Günəşin səthində ləkələrin sayı azalaraq 8 ləkə qrupunda 142 ləkə və geoeffektiv Tac Dəliyi müşahidə olunur.

Enerjisi 2 MeV-dən çox olan elektron seli normal və orta səviyyədə, 10 MeV-dən çox enerji yüklü proton seli isə fon səviyyəsində olmuşdur.

Hesabat dövründə Günəş küləyinin maksimal sürəti 658 km/san–dək artmışdır. Yer orbitində planetlərarası maqnit sahəsinin maksimal qiyməti 22 nT, radial istiqamətdə isə -16 nT olmuşdur. Hal-hazırda Günəş küləyinin sürəti 575 km/san, planetlərarası maqnit sahəsinin maksimal qiyməti 7.33 nT, radial istiqamətdə isə -1.7 nT təşkil edir.

Hesabat dövründə geomaqnit sahəsinin intensiliyi sakit-aktiv səviyyələrdə olmuş, müşahidə olunan Tac Dəliyinin təsiri nəticəsində sutkanın ilk saatlarında G1 səviyyəli geomaqnit qasırğası başlamışdır. 

Kosmik hava proqnozu – Proqnoz günlərində (10-16 fevral ) C sinif alışmanın baş verməsi ehtimalı 99%, M (R1-R2) sinif alışmanın baş verməsi ehtimalı 55%, X (R3) sinif alışmanın baş verməsi ehtimalı isə 10% təşkil edir.

Qeyd olunan Tac Dəliyinin təsiri nəticəsində enerjisi 2 MeV-dən çox olan elektron seli yüksələ bilər. Həmçinin 10 MeV-dən çox enerji yüklü proton selinin də yüksələrək, S1 səviyyəli proton qasırğası olması ehtimalı var.   

Günəş küləyinin sürətinin 10-12 fevralda mənfi qütblü Yüksək Sürətli Tac Dəliyi Axınlarınının və 08 fevralda baş vermiş Tac Kütlə Atılmasının təsiri ilə artacağı gözlənilir.

Geomaqnit sahəsi – 10 fevralda mənfi qütblü Yüksək Sürətli Tac Dəliyi Axınlarınının təsiri ilə G1 (zəif) səviyyəli qasırğanın davam edəcəyi, 12 fevralda isə 08 fevralda baş vermiş Tac Kütlə Atılmasının təsiri gözlənilir.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.