Kosmik hava durumu – Hesabat dövrü ərzində Günəşin fəallığı artaraq, həftə ərzində əsasən M sinif alışmalar baş vermişdir. Maksimal sinifli alışma 3981 oblastındakı M8.8 sinifli alışma olmuşdur. Alışmalara bağlı olaraq II tipradioemissiya, radiosiqnalların ötürülməsində R2 səviyyəli fasilələr,   Yerə yönəlmiş komponentə malik Tac Kütlə Atılmaları (TKA) qeydə alınmışdır. Günəşin səthində ləkələrin sayı artaraq 8 ləkə qrupunda 156 ləkə və Tac dəliyi müşahidə olunur.

Enerjisi 2 MeV-dən çox olan elektron seli hesabat dövründə 2531 pfu-dək yüksəlmişdir. 10 MeV-dən çox enerji yüklü proton seli isə fon səviyyəsində olmuşdur.

Hesabat dövründə Günəş küləyinin maksimal sürəti 721 km/san–dək artmışdır. Yer orbitində planetlərarası maqnit sahəsinin maksimal qiyməti 18 nT, radial istiqamətdə isə -16 nT olmuşdur. Hal-hazırda Günəş küləyinin sürəti 472 km/san-dir, planetlərarası maqnit sahəsinin maksimal qiyməti 11.25 nT, radial istiqamətdə isə 8.68 nT təşkil edir.

Hesabat dövründə geomaqnit sahəsinin intensivliyi sakit-aktiv səviyyələrdə olmuş, 02 fevralda qısa müddətli G1 səviyyəsinə yüksəlmişdir. Hal-hazırda geomaqnit sahəsinin fəallığını ifadə edən Kp indeksi 0.67-ə bərabərdir və kosmik hava sakitdir.

Kosmik hava proqnozu – Proqnoz günlərində (03-09 fevral) C sinif alışmanın baş verməsi ehtimalı 99%, M (R1-R2) sinif alışmanın baş verməsi ehtimalı 60%, X (R3) sinif alışmanın baş verməsi ehtimalı isə 15% təşkil edir.

Enerjisi 2 MeV-dən çox olan elektron seli Tac dəliyinin təsiri ilə yüksələ bilər. Həmçinin 10 MeV-dən çox enerji yüklü proton selinin də 03-05 fevralda S1 səviyyəsinədək yüksəlməsi ehtimalı var.   

Günəş küləyinin sürətinin baş vermiş TKA və zəifləyən Tac dəliyi Axınlarının təsiri ilə sürətlənəcəyi gözlənilir.

Geomaqnit sahəsi – 31 yanvar - 03 fevralda ardıcıl baş vermiş TKA və əlavə olaraq Yüksək Sürətli Tac Dəliyi Axınlarınının təsiri ilə G1 (zəif) səviyyəli geomaqnit qasırğası olması ehtimalı var. 

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.