Yanvar ayının 20-də N.Tusi adına Şamaxı Astrofizika Rəsədxanasının (ŞAR) kollektivi 20 yanvar - Ümumxalq Hüzn Gününün 35-ci ildönümü ilə əlaqədar Şəhidlər Xiyabanını ziyarət edib.

Rəsədxana rəhbərliyi və ŞAR-ın Bakı və Şamaxı bölmələrinin əməkdaşları 20 yanvar şəhidlərinin xatirəsinə hörmət və ehtiram əlaməti olaraq şəhid məzarları önünə gül dəstələri qoyublar.

Qeyd edək ki, 20 yanvar faciəsi ümumxalq hüznü olmaqla yanaşı, həm də Azərbaycan xalqının müstəqillik məfkurəsinin alovlandığı gündür. XXI qızıl ordunun topu, tüfəngi və qəddarlığı qarşısında, xalqımızın əzmi, iradəsi və mərdliyi qələbə çalaraq bizə müstəqillimizi qazandırdı.

Azərbaycanın müstəqilliyi və suverenliyi uğrunda canından keçmiş bütün şəhidlərimizə Allahdan rəhmət diləyirik.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.