Kosmik hava durumu – Hesabat dövrü ərzində Günəşin fəallığı nisbətən zəifləyərək, maksimal sinifli alışma 3947 oblastındakı M4.1 sinifli alışma olmuşdur. Alışmalara bağlı olaraq II–IV radioemissiya qeydə alınmışdır. Günəşin səthində ləkələrin sayı azalaraq 8 ləkə qrupunda 99 ləkə və böyük birləşmiş Tac dəliyi müşahidə olunur.
Enerjisi 2 MeV-dən çox olan elektron seli yüksələrək həftənin ilk yarısında 1500-3000 pfu olmuş, 10 MeV-dən çox enerji yüklü proton seli isə fon səviyyəsinə geri dönmüşdür.
Hesabat dövründə Günəş küləyinin maksimal sürəti 634 km/san–dək artmışdır. Yer orbitində planetlərarası maqnit sahəsinin maksimal qiyməti 21 nT, radial istiqamətdə isə -6 nT olmuşdur. Hal-hazırda Günəş küləyinin sürəti normaldır (399 km/san), planetlərarası maqnit sahəsinin maksimal qiyməti 12.65 nT, radial istiqamətdə isə -0.83 nT təşkil edir.
Hesabat dövründə geomaqnit qasırğası baş verməmişdir. Hal-hazırda geomaqnit sahəsinin fəallığını ifadə edən Kp indeksi 2.3-ə bərabərdir və kosmik hava sakitdir.
Kosmik hava proqnozu – Proqnoz günlərində (13-19 yanvar) C sinif alışmanın baş verməsi ehtimalı 99%, M (R1-R2) sinif alışmanın baş verməsi ehtimalı 40%, X (R3) sinif alışmanın baş verməsi ehtimalı isə 10% təşkil edir.
Enerjisi 2 MeV-dən çox olan elektron selinin normal və orta, 10 MeV-dən çox enerji yüklü proton selinin isə fon səviyyəsində olması gözlənilir.
Günəş küləyinin mənfi qütblü Yüksək Sürətli Tac Dəliyi Axınlarınının təsiri ilə 14-15 yanvarda yüksəlməsi ehtimalı var.
Geomaqnit sahəsi – mənfi qütblü Yüksək Sürətli Tac Dəliyi Axınlarınının təsiri ola bilər. Geomaqnit sahəsinin sakit və qeyri-stabil səviyyələrdə olacağı proqnozlaşdırılır, geomaqnit qasırğası gözlənilmir.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
