Kosmik hava durumu – Hesabat dövrü ərzində Günəş fəallığı zəifləmişdir. C və M sinif alışmalar baş vermişdir. Maksimal sinifli alışma 3928 oblastındakı M2.5 sinifli alışma olmuşdur. Alışmalar nəticəsində radio siqnalların ötürülməsində R1 səviyyəli fasilələr, II tip radioemissiya qeydə alınmışdır. Həmçinin Yerdən əks istiqamətə yönəlmiş bir neçə güclü Tac Kütlə Atılmaları (TKA) qeydə alınmışdır, Günəş səthində ləkələrin sayı artaraq 11 ləkə qrupunda 176 ləkə və Tac dəliyi müşahidə olunur.

Enerjisi 2 MeV-dən çox olan elektron seli normal və orta səviyyədə olmuşdur. 10 MeV-dən çox enerji yüklü proton seli isə 21-22 dekabrda 5pfu-dək yüksəlmişdir.  

Hesabat dövründə Günəş küləyinin maksimal sürəti 701 km/san, planetlərarası maqnit sahəsinin maksimal qiyməti  Yer orbitində 31 nT, radial istiqamətdə isə  -11 nT  olmuşdur.  Hal-hazırda Günəş küləyinin sürəti 549 km/san, planetlərarası maqnit sahəsinin maksimal qiyməti 6.89 nT, radial istiqamətdə isə  4.68 nT təşkil edir.

Hesabat dövrü ərzində 17 dekabrda yerli vaxtla 08:00-12:00 arası geomaqnit sahəsinin fəallığı G1-G2 səviyyəsinədək yüksəlmişdir.  

Kosmik hava proqnozu – Proqnoz günlərində (23-29 dekabr) C sinif alışmanın baş verməsi ehtimalı 99%, M (R1-R2) sinif alışmanın baş verməsi ehtimalı 65%, X (R3) sinif alışmanın baş verməsi ehtimalı isə 10% təşkil edir.

Enerjisi 2 MeV-dən çox olan elektron selinin normal və orta səviyyədə olacağı, 10 MeV-dən çox enerji yüklü proton selinin isə 23-25 dekabrda S1 səviyyəsinə yüksəlməsi ehtimalı var.

Günəş küləyinin mənfi qütblü Yüksək Sürətli Tac Dəliyi Axınlarının və 20 dekabrda baş vermiş TKA-nıntəsiri ilə sürətinin artacağı gözlənilir.

Geomaqnit sahəsinin mənfi qütblü Yüksək Sürətli Tac Dəliyi Axınlarının sakit-aktiv səviyyələr arasında dəyişəcəyi  gözlənilir. Həmçinin geomaqnit sahəsinin fəallığına 20 dekabrda baş vermiş TKA-nın  da təsiri ola bilər.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.