Kosmik hava durumu – Hesabat dövrü ərzində Günəş fəallığı eyni tempdə davam edərək, əsasən M sinif alışmalar qeydə alınmışdır. Maksimal sinifli alışma 3912 oblastındakı M6.7 sinifli alışma olmuşdur. Alışmalar nəticəsində R2 səviyyəli radiosiqnalların kəsilməsi, 10 sm dalğa uzunluğunda radioalışmalar və II tip radioemissiya qeydə alınmışdır. Həmçinin hesabat dövrü ərzində bir neçə güclü Tac Kütlə Atılmaları (TKA) baş vermişdir. Günəş səthində ləkələrin sayı azalaraq 6 ləkə qrupunda 97 ləkə müşahidə olunur.

Enerjisi 2 MeV-dən çox olan elektron selinin maksimal göstəricisi 1175 pfu olmuşdur. 10 MeV-dən çox enerji yüklü proton seli isə fon səviyyəsində qalmışdır.

Hesabat dövründə Günəş küləyinin sürəti artaraq 583 km/san, planetlərarası maqnit sahəsinin maksimal qiyməti Yer orbitində 13 nT, radial istiqamətdə isə  -10 nT  olmuşdur.  Hal-hazırda Günəş küləyinin sürəti 404 km/san, planetlərarası maqnit sahəsinin maksimal qiyməti Yer orbitində 9.61 nT, radial istiqamətdə isə -4.76 nT təşkil edir. Kp indeksi 1.33-ə bərabərdir və kosmik hava sakitdir.

Hesabat dövrü ərzində geomaqnit sahəsi sakit-aktiv səviyyələrdə olmuşdur, geomaqnit qasırğası baş verməmişdir.

Kosmik hava proqnozu – Proqnoz günlərində (16-22 dekabr) C sinif alışmanın baş verməsi ehtimalı 99%, M (R1-R2) sinif alışmanın baş verməsi ehtimalı 45%, X (R3) sinif alışmanın baş verməsi ehtimalı isə 5% təşkil edir.

Enerjisi 2 MeV-dən çox olan elektron selinin normal və orta səviyyədə, 10 MeV-dən çox enerji yüklü proton selinin isə fon səviyyəsində qalacağı gözlənilir.  

Günəş küləyinin sürətinin 18 dekabradək müsbət qütblü  Yüksək Sürətli Tac Dəliyi Axınlarının təsiri ilə sürətlənəcəyi gözlənilir. Həmçinin 13-14 dekabrda baş vermiş TKA-nın təsiri ola bilər.

Geomaqnit sahəsinin müsbət qütblü  Yüksək Sürətli Tac Dəliyi Axınlarının və 13-14 dekabrda baş vermiş TKA-nın təsiri ilə sakit-aktiv səviyyələrdə olacağı gözlənilir. 

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.