Kosmik hava durumu – Hesabat dövrü ərzində Günəşin fəallığı azalmışdır, maksimal sinifli alışma 3889 oblastında baş vermiş M1.7 sinifli alışma olmuşdur. Günəşin səthində ləkələrin sayı azalaraq 9 ləkə qrupunda 117 ləkə və Tac Dəlikləri müşahidə olunur. Həftə ərzində bir neçə Tac Kütlə Atılmaları (TKA) qeydə alınmışdır.
Enerjisi 2 MeV-dən çox olan elektron seli normal və orta səviyyədə, 10 MeV-dən çox enerji yüklü proton seli isə fon səviyyəsində olmuşdur.
Hesabat dövründə Günəş küləyinin maksimal sürəti 537 km/san–dək artmışdır. Yer orbitində planetlərarası maqnit sahəsinin maksimal qiyməti 13 nT, radial istiqamətdə isə -12 nT olmuşdur. Hal-hazırda Günəş küləyinin sürəti normaldır (307) km/san, planetlərarası maqnit sahəsinin maksimal qiyməti 9 nT, radial istiqamətdə isə -1.3 nT təşkil edir.
Son həftə ərzində geomaqnit qasırğası baş verməmişdir. Geomaqnit sahəsinin fəallığını ifadə edən Kp indeksi hal-hazırda 2-ə bərabərdir və kosmik hava sakitdir.
Kosmik hava proqnozu – Proqnoz günlərində (18-24 noyabr) C sinif alışmanın baş verməsi ehtimalı 99%, M (R1-R2) sinif alışmanın baş verməsi ehtimalı 50%, X (R3) sinif alışmanın baş verməsi ehtimalı isə 10% təşkil edir.
Enerjisi 2 MeV-dən çox olan elektron selinin normal və orta səviyyədə olacağı gözlənilir. 10 MeV-dən çox enerji yüklü proton selinin isə 20 noyabrda yüksəlməsi ehtimalı var.
Günəş küləyinin TKA, həmçinin müsbət qütblü Yüksək Sürətli Tac Dəliyi Axınlarının təsiri ilə sürətinin yüksələcəyi gözlənilir.
Geomaqnit sahəsi –Yüksək Sürətli Tac Dəliyi Axınlarının, həmçinin 14 noyabrda baş vermiş TKA-nın təsiri ilə geomaqnit sahəsinin sakit-aktiv səviyyələrdə olacağı gözlənilir.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
